ՏՀՏ նորարարություններ եւ ստարտափ էկոհամակարգեր

«EU4Digital» նախաձեռնության միջոցով Եվրոպական միությունը ձգտում է Արեւելյան գործընկերության (ԱլԳ) նորարարական եւ ստարտափ էկոհամակարգերը միացնել ԵՄ ցանցերին եւ վերացնել երկու էկոհամակարգերի միջեւ առկա բացերը՝ աջակցելու նորարարություններին եւ ստարտափներին՝ հենվելով ԵՄ լավագույն փորձի, սկզբունքների եւ չափանիշների վրա:

Ի աջակցություն այս նպատակներին՝ «EU4Digital» ծրագրի II փուլը՝

• կնպաստի ԵՄ-ի եւ ԱլԳ-ի նորարարական էկոհամակարգերի շահագրգիռ կողմերի միջեւ ցանցերի ստեղծմանը եւ համապատասխան փորձի ու գործիքների փոխանակմանը.
• կաջակցի ԱլԳ թվային ստարտափ էկոհամակարգի զարգացմանը.
• կմշակի Արեւելյան գործընկեր երկրներում նորարարական կլաստերների զարգացման ընդհանուր կառուցակարգեր եւ առաջարկություններ:

Վերևում նշվածը հիմնված է ծրագրի I փուլի շրջանակում ՏՀՏ նորարարությունների ուղղությամբ գործունեության հաջողությունների վրա՝ ներառյալ երկրների համար առանձին հանրային քաղաքականության առաջարկությունների եւ գործողությունների պլանների մշակումը՝ տարածաշրջանի ՏՀՏ հետազոտությունների, ստարտափների եւ նորարարական էկոհամակարգերի ամրապնդման համար, ինչպես նաեւ ԱլԳ շահագրգիռ կողմերի եւ ԵՄ կազմակերպությունների միջեւ ցանցային միջոցառումների կազմակերպումը: Իրականացվել է «Թվային նորարարությունների եւ ծավալների ընդլայնում» նախաձեռնության (DISC) համար շուկայի գնահատման ուսումնասիրությունը։ ՏՀՏ էկոհամակարգերի աճի խթանմանն ուղղված լրացուցիչ տարրեր են ՏՀՏ ձեռնարկատիրական էկոհամակարգերի ստեղծման եւ «Կանայք տեխնոլոգիաների ոլորտում» (Women in Tech) մենթորության ծրագրի ստեղծման ուղեցույցները։

Ծրագիրն աջակցում է EU4Digital-ի ՏՀՏ նորարարությունների ցանցի աշխատանքին, որը կենտրոնացած է հետեւյալ ուղղությունների զարգացման վրա.

• Գործնական կապեր.
• Նորարարական կառուցակարգեր.
• Նորարարական ենթակառուցվածքներ.
• Ստարտափների համար նախատեսված պիլոտային ծրագրեր.
• ՓՄՁ-ների համար նախատեսված նորարարական ծառայություններ։

EU4Digital-ի միջոցով ՏՀՏ նորարարությունների էկոհամակարգին ԵՄ աջակցությունը կնպաստի հետազոտությունների բնագավառում լավագույն փորձի փոխանակմանը եւ միջսահմանային ներդրումներին, ԱլԳ տարածաշրջանի ստարփների եւ ՓՄՁ-ների համար ԵՄ շուկաների բացմանը, ներդրումների խրախուսմանը եւ տաղանդավոր երիտասարդների համար աշխատատեղերի ստեղծմանը, ինչպես նաեւ կհանգեցնի գիտելիքի, արտադրողականության եւ արժեքի ընդհանուր աճի:

ԵՄ-ի կողմից ֆինանսավորվող ընթացիկ «EaPConnect» ծրագիրը նույնպես աջակցում է ՏՀՏ նորարարություններին՝ գերարագ լայնաշերտ ինտերնետային ցանցի միջոցով կապ ապահովելով ողջ տարածաշրջանի հետազոտական եւ կրթական համայնքների ու նրանց եվրոպական գործընկերների միջեւ եւ այդպիսով թվային ծառայությունների ու համաշխարհային հետազոտությունների հասանելիություն ապահովելով ԱլԳ տարածաշրջանի ավելի քան 700 հաստատությունների շուրջ երկու միլիոն գիտնականների, ուսանողների եւ դասախոսների համար: