Հեռահաղորդակցության կանոններ

«EU4Digital» նախաձեռնության միջոցով Եվրոպական միությունն աջակցում է Արեւելյան գործընկերության (ԱլԳ) տարածաշրջանում ռոումինգում գտնվող քաղաքացիների համար բջջային ծառայությունների մանրածախ գների նվազեցմանն ուղղված ջանքերին, ինչպես նաեւ խթանում է գերարագ եւ անվտանգ կապի մատչելի հասանելիությունը։

Ի աջակցություն այս նպատակներին՝ «EU4Digital» ծրագրի II փուլը՝

• կաջակցի Արեւելյան գործընկերության երկրների միջեւ եւ, անհրաժեշտության դեպքում, ԵՄ-ի հետ ռոումինգի համաձայնագրերի իրականացմանը.
• կմշակի Արեւելյան գործընկերության երկրներում մասնավոր 5G ցանցերի զարգացմանը նպաստող ճանապարհային քարտեզներ, ինչպես նաեւ կաջակցի Տարածաշրջանային սպեկտրի համաձայնագրի ժամանակին իրականացմանը.
• կմշակի Արեւելյան գործընկերության երկրներում անվտանգ 5G ցանցերի ապահովման ուղեցույցներ՝ հիմնված 5G ցանցերի անվտանգության ԵՄ գործիքակազմի վրա.
• կնպաստի տարածաշրջանում մրցունակ լայնաշերտ ինտերնետային ծառայությունների հասանելիությանը, ներառյալ զարգացումների մշտադիտարկման համար նախատեսված ԱլԳ լայնաշերտ կապի օբզերվատորիան, ինչպես նաեւ կաջակցի գործնական կապերի հաստատմանը եւ լավագույն փորձի փոխանակմանը.
• կաջակցի ազգային կարգավորող մարմինների՝ տարածաշրջանի էլեկտրոնային հաղորդակցության նպատակային շուկաներում մշտադիտարկում իրականացնելու եւ մրցունակություն ապահովելու լիազորությունների ավելացմանը՝ շուկայի վերլուծության միջոցով։

Վերևում նշվածը հիմնված է ծրագրի I փուլի շրջանակում հեռահաղորդակցության կանոնների ուղղությամբ գործունեության հաջողությունների վրա՝ ներառյալ տարածաշրջանային ռոումինգի համաձայնագրի նախագծի պատրաստումը: Չնայած կորոնավիրուսային համավարակի եւ Ուկրաինայում պատերազմի տարածաշրջանային համատեքստի ազդեցությանը, Արեւելյան գործընկերության երկրների միջեւ ռոումինգի մանրածախ գների նվազեցման նպատակը չի փոխվել։ Պատրաստվել է նաեւ Տարածաշրջանային սպեկտրի համաձայնագրի նախագիծը, էլեկտրոնային հաղորդակցության ոլորտի ազգային կարգավորող մարմիններին էլ տրամադրվել է աջակցություն, այդ թվում՝ բացերի գնահատման եւ ազգային գործողությունների ծրագրերի մշակման տեսքով:

Ծրագիրն աջակցում է Արեւելյան գործընկերության էլեկտրոնային հաղորդակցության կարգավորողների ցանցի (EaPeReg) առաջնահերթություններին: Ազգային կարգավորող մարմինների այս հարթակը սահմանել է իր գործունեության հինգ հիմնական ուղղություններ.

• Օրենսդրության մոտարկում եւ ԱԿՄ անկախության խթանում
• Սպեկտրի համակարգում
• Ռոումինգի սակագների ներդաշնակեցում
• Համեմատական ուսումնասիրություններ
• Լայնաշերտ կապի զարգացում

Հեռահաղորդակցության կանոնների ոլորտում այս նպատակներին հասնելով՝ ԵՄ աջակցությունը հստակ օգուտներ կբերի ԱլԳ տարածաշրջանի քաղաքացիներին եւ ձեռնարկություններին՝ ռոումինգի ուղղությամբ ավելի ցածր ծախսերի ու կարգավորման ամրապնդման տեսքով, ինչը կհանգեցնի մրցակցության եւ ներդրումների ավելացմանը, ինչպես նաեւ սպառողների իրավունքների պաշտպանությանն ու նոր անլար լայնաշերտ հնարավորությունների եւ 5G կապի հեռանկարների բացմանը: