“Tətbiqlərin uyğunlaşdırılması üzrə Şərq Tərəfdaşlığı sprinti”
Tarix: 02/02/21
Bu gün Şərq Tərəfdaşlığı Vətəndaş Cəmiyyəti Proqramı Azərbaycan, Ermənistan, Belarus, Moldova və Ukraynadan olan vətəndaş cəmiyyəti fəalları və İT mütəxəssislərindən ibarət altı komandanın iştirakı ilə dörd həftəlik “Tətbiqlərin uyğunlaşdırılması üzrə Şərq Tərəfdaşlığı sprinti” adlı intensiv onlayn tərtibat sprintinə start verib. Sprint iştirakçıları sözügedən layihənin 2017-2020-ci illərdə keçirdiyi hakatonlar zamanı hazırlanmış altı rəqəmsal həllin yenidən istifadəyə verilməsi üzərində işləyəcəklər.
Sprintdə iştirak üzrə ərizələrin qəbulu zamanı seçilmiş altı komanda və onların texnoloji həlləri ilə tanış olun. Həmin həllər Avropa İttifaqının maliyyə dəstəyi ilə dörd həftə ərzində uyğunlaşdırılacaq və yenidən istifadəyə veriləcək:
Məhəmməd Kekalovun (Kekalove Adaptive Social Enterprise) rəhbərlik etdiyi Azərbaycan komandası, 2019-cu il Hakatonunun qalibi olan Ukraynanın Provodnik.Online texnoloji həllinə əsaslanaraq Bakı şəhərindəki ictimai yerlərin mövcudluğunu qiymətləndirməyə imkan verən interaktiv xəritə üzərində işləyəcək.
Artak Adam Arakelyanın rəhbərlik etdiyi Ermənistandan olan DiverCity’s komandası da həmçinin Provodnik.Online həllindən istifadə edərək vətəndaşların Ermənistanın şəhərlərində ictimai məkanların əlçatımlılığını qiymətləndirməsi üçün interaktiv xəritə hazırlayır.
Yuri Stukalovun rəhbərlik etdiyi Belarusun Şəhər Təşəbbüsləri Mərkəzinin komandası, layihənin 2017-ci ildə keçirdiyi ilk Hakatonunun qalibi olan Serebranka.BY tərəfindən yaradılan koddan istifadə edərək Mogilevdə (Belarus) ictimai yerlərin dizaynı və dəyişdirilməsində ictimaiyyətin iştirakına imkan yaradan platforma hazırlayacaq.
Moldovalı Pavel Novakın rəhbərlik etdiyi Openmoney.MD layihəsinin komandası açıq tenderlərdə ayrı-ayrı əşyaların satış qiymətlərini müqayisə etmək üçün veb-modul istifadəyə verəcək. Bu texnoloji həll Ukraynada bazarın araşdırılması alətini kopyalayacaq.
İki Ukraynalı vətəndaş cəmiyyəti fəalı – Aleksey Kostrjiçkiy və Ceyn Kubaxın rəhbərlik etdiyi komanda, 2018-ci ilin hakatonunun qalibi olan Belarusun Doika ianə moduluna əsaslanaraq vətəndaş cəmiyyəti təşkilatlarına birbaşa internet saytlarda ianə toplamağa imkan verən onlayn modul hazırlayacaq.
Sergey Toqobetskinin rəhbərlik etdiyi Ukraynalı bir qrup könüllü evsiz heyvanlara, heyvan sığınacaqlarına və heyvan hüquqları müdafiəçilərinə kömək edən Ukraynalı könüllülər üçün kraudfandinq platforması hazırlamaq üçün Belarusun SaveUs platformasından (2020-ci ilin hakatonunun qalibi, hazırlanma mərhələsində olan platforma) istifadə edəcək.
Sözügedən bu texnoloji həllər mart ayında internetdə istifadəyə veriləcək. Daha çox xəbər üçün ŞT Vətəndaş Cəmiyyəti Proqramının internet səhifəsinə baş çəkin.
Şərq Tərəfdaşlığı Vətəndaş Cəmiyyəti Proqramı elektron təhsilə əsaslanan innovasiyalar, dövlət sektorunun hesabatlılığını təkmilləşdirmək üçün rəqəmsal həllərin hazırlanması və regionda vətəndaş cəmiyyətləri və hökumətlər arasında şəbəkələrin qurulması vasitəsilə vətəndaş cəmiyyəti iştirakçılarının rolunu təşviq edir.
İnternet səhifəsinin istifadəsini yaxşılaşdırmaq, səhifədə naviqasiyasını gücləndirmək və səhifədən istifadəni təhlil etmək üçün bu səhifədə kukilərdən istifadə edirik. Bütün kukiləri qəbul et düyməsinə basmaqla kukilərdən istifadəmizə razılıq verirsiniz.
Kuki siyasətində hansı kukilərdən istifadə etdiyimiz haqqında daha ətraflı öyrənə və ya kuki parametrlərinizi tənzimləyə bilərsiniz.
Funksionallıq kukiləri
İnternet səhifəsinin işləməsi üçün vacib olan funksionallıq ilə bağlı kukilər. Bu kukilər, internet səhifəsinin fəaliyyətini ölçmək və təcrübənizi təkmilləşdirmək, eləcə də seçdiyiniz parametrləri yadda saxlamağa kömək edir.
If you disable this cookie, we will not be able to save your preferences. This means that every time you visit this website you will need to enable or disable cookies again.
Reklam/hədəfləmə kukiləri
Daha yaxşı fərdiləşdirilmiş xidmət təqdim etmək və (reklam kukilərində olduğu kimi) reklam kampaniyaları apardığımız üçüncü tərəflər tərəfindən təyin edilmiş və sizə uyğun reklamlar təmin etməyə imkan verən, o cümlədən istifadəçi fəaliyyətini və ziyarət müddətini izləmək üçün istifadə etdiyimiz reklam/hədəfləmə kukiləri. Bunlar istəyə bağlı kukilərdir və istifadəçilər istənilən vaxt onlardan imtina edə bilərlər.