Proqramın məqsədi inkişafı və məşğulluğu təşviq etməklə hökumət qurumlarının işini təkmilləşdirmək, iqtisadiyyatın şaxələndirilməsini gücləndirmək və Azərbaycan vətəndaşlarının həyatını yaxşılaşdırmaqdır. Rəqəmsal bazarların uyğunlaşdırılması nəticəsində onlayn xidmətlərin təkmilləşməsi, ucuzlaşması, eləcə də insanların daha geniş seçimlərdən yararlanması gözlənilir.
Azərbaycan altı istiqamət üzrə Rəqəmsal Bazarların Uyğunlaşdırılması (RBU) təşəbbüsünə fəal iştirakçı kimi cəlb olunub və “İnnovasiya və startap ekosistemləri” adlı istiqamət üzrə koordinator ölkə, “Elektron gömrük” istiqaməti üzrə isə alt bölmə vəzifələrini icra edir.
Hökumətin “Azərbaycan Respublikasında informasiya cəmiyyətinin inkişafına dair 2014-2020-ci illər üçün Milli Strategiyasına” uyğun olaraq rəqəmsal iqtisadiyyatın inkişafı Azərbaycan üçün prioritet məsələlərdən biridir. 2016-cı ilin sonunda qəbul edilən “Azərbaycan Respublikasında telekommunikasiya və informasiya texnologiyalarının inkişafına dair Strateji Yol Xəritəsi” də rəqəmsallaşma prosesinə daha cəld və etibarlı keçid təmin etmək məqsədi daşıyır.
Aİ həmçinin Azərbaycan Respublikası Nəqliyyat, Rabitə və Yüksək Texnologiyalar Nazirliyi ilə birgə icra edilən “Elektron xidmətlərin inkişafının gücləndirilməsi (Elektron ticarət daxil olmaqla)” layihəsi vasitəsilə Azərbaycana dəstək vermişdir.
EU4Digital: Şərq Tərəfdaşlığında rəqəmsal iqtisadiyyata və cəmiyyətə dəstək Aİ-nin standart və təcrübələrinə uyğun olaraq rəqəmsal iqtisadiyyatın və cəmiyyətin əsas sahələrinin inkişafını təşviq edir. Proqram, EY şirkətinin rəhbərlik etdiyi konsorsium tərəfindən Action Global Communications şirkəti və Avropa Siyasi Araşdırmalar Mərkəzi (CEPS) ilə birgə həyata keçirilir.
© Avropa Birliyi, 2023. Bütün hüquqları qorunur.
EU4Digital proqramı Avropa İttifaqı tərəfindən maliyyələşdirilir
Azərbaycan 
Belarus
Erməni
Gürcü
Rumın dili
Rus dilində
Ukrayna
İngilis