Ukrayna

Rusiyanın Ukraynaya qarşı hərbi təcavüzü və müharibəsi başlayandan bəri Aİ Ukraynaya dəstəyini gücləndirib və bu ölkədə rəqəmsal transformasiyanı dəstəkləməyə davam edir. Hal-hazırda davamlılıq və kommunikasiyaları qoruyub saxlamaq məqsədilə rəqəmsal bağlantının və elektron xidmətlərin təmin edilməsi ən mühüm milli prioritetlərdir.

EU4Digital vasitəsilə Ukraynada rəqəmsal bazarların uyğunlaşdırılması nəticəsində rəqabətin güclənəcəyi və bununla da onlayn xidmətlərin təkmilləşəcəyi, ucuzlaşacağı, eləcə də insanların daha geniş seçimlərdən yararlanacağı gözlənilir. Layihə həmçinin investisiya cəlb edəcək və ticarət və məşğulluğu artıracaq, ölkənin sosial və iqtisadi inkişafına töhfə verəcək.

Aİ EU4Digital vasitəsilə rouminq tariflərinin azaldılmasına, iqtisadiyyatların gücləndirilməsinə və elektron xidmətlərin genişləndirilməsinə, eləcə də kibertəhlükəsizliyin yaxşılaşdırılması və cəmiyyət boyunca, yəni logistika sahəsindən tutmuş səhiyyəyə qədər rəqəmsallaşdırma proseslərinin uyğunlaşdırılması, rəqəmsal sahə üzrə bacarıqların artırılması və rəqəmsal sahədə yeni iş yerlərinin yaradılması üçün yüksək sürətli genişzolaqlı bağlantının inkişafına dəstək verir.

EU4Digital proqramının fəaliyyətləri digər ikitərəfli regional layihələr vasitəsilə Aİ-nin Ukraynaya dəstəyini tamamlayır. 2016-cı ildə Aİ “U-LEAD with Europe” proqramı çərçivəsində EGOV4UKRAINE layihəsini maliyyələşdirib. Layihə tərəfindən dövlət orqanları arasında mılumat mübadiləsini yaxşılaşdırmağa imkan verən iki elektron xidmətlər sistemi hazırlanıb və icra edilib. Bu layihənin davamı olaraq Ukrayna Aİ ilə əməkdaşlıq çərçivəsində EU4DigitalUA (2020-2024-ci illəri əhatə edib) layihəsini həyata keçirib. Bu layihə beş əsas məqsədi diqqət mərkəzində saxlamaqla Ukraynanın rəqəmsal transformasiya istiqamətində gördüyü tədbirləri gücləndirməyi nəzərdə tutur:

• Qarşılıqlı fəaliyyət və rəqəmsal hökumət infrastrukturu;
• Təşkilati strukturların gücləndirilməsi və potensialının artırılması;
• Kommunikasiya və ictimaiyyətin məlumatlandırılması;
• Elektron xidmətlərin inkişafı;
• Kibertəhlükəsizlik və məlumatların qorunması.

Aİ “Ukraynaya rəqəmsal siyasət dəstəyi” (2021-2024) çərçivəsində Ukraynanın rəqəmsal transformasiyasını daha çox dəstəkləyir. Bu layihə Aİ-Ukrayna Assosiasiya Sazişi çərçivəsində Ukraynanın öhdəliklərinin icrasını dəstəkləyir və bu ölkənin rəqəmsal iqtisadiyyat siyasəti məqsədlərinə nail olmaqda Ukrayna Rəqəmsal Transformasiya Nazirliyi və Telekommunikasiya Tənzimləyicisini dəstəkləməyi nəzərdə tutur.

Ukrayna hökuməti Aİ-nin elektron kommunikasiyalar haqqında  qanununu qəbul edib və bu qanun 2022-ci ilin yanvar ayında qüvvəyə minib. Qanun Ukraynanın Aİ-nin Vahid Rəqəmsal Bazarına gələcək inteqrasiyası ilə bağlı mühüm prioriteti əks etdirir.

2020-ci ilin noyabr ayında Ukrayna hökuməti 5G kommunikasiyaları üzrə əlçatan olacaq 700-800 MHz radiotezlik diapazonlarının işə salınması üzrə fəaliyyət planını qəbul edib, lakin mövcud şəraitlə əlaqədar layihənin icrası dayandırılıb.

Gələcək ikitərəfli rəqəmsal yardım rəqəmsal infrastrukturun yenidən qurulması, hökumətin rəqəmsallaşdırılması və kibertəhlükəsizliyə dəstəyini davam etdirəcək.

Aİ-nin Ukrayna ilə əlaqələri haqqında daha ətraflı məlumat üçün baş çəkin:

• EU4Ukraine internet səhifəsi
• Avropa İttifaqının Ukraynadakı Nümayəndəliyinin internet səhifəsi