Rouminq razılaşması əla səslənir! Yəni biz Avropa İttifaqında olduğu kimi Şərq Tərəfdaşlığı ölkələrinə səyahət zamanı “öz ölkəmizdə olduğumuz kimi” rouminq xidmətindən istifadə edə biləcəyik?

Digər Aİ ölkələrinə səyahət edən Aİ vətəndaşları “öz ölkələrində olduğu kimi” rouminq xidmətindən istifadə edirlər və beləliklə mobil telefondan istifadə etmək üçün əlavə pul ödəmirlər. EU4Digital proqramının dəstəyi ilə hazırlanan regional rouminq razılaşması sayəsində beş Şərq Tərəfdaşlığı ölkəsinin vətəndaşları bir ölkədən digərinə səyahət etdikdə mövcud rouminq qiymətlərinin əhəmiyyətli dərəcədə aşağı salınmasından faydalana biləcəklər. Bu, mobil rabitə şəbəkələrinin rouminq xidməti müştərilərinə Şərq Tərəfdaşlığı ölkələrində olan zaman daha sərfəli rouminq xidmətlərindən yararlanmağa imkan verəcək. EU4Digital proqramının rouminq ilə bağlı son tədqiqatının nəticələrinə əsasən (2019-cu il) qiymətlərin orta hesabla 80% aşağı salınması gözlənilir.