Home / Stay Informed /
EU4Digital elektron autentifikasiya və etimad xidmətləri sahəsində hansı işləri görür?
Date: 22/04/20
Dövlət xidmətlərinin əksəriyyəti onlayn qaydada əlçatan olmağa başlayıb. Bu cür rəqəmsal xidmətlərdə yararlanmaq istəyən vətəndaşlar, hökumətlər və müəssisələr həqiqi istifadəçilər olduqlarını nümayiş etdirməli və sənədləri elektron şəkildə imzalaya və ya möhürləyə, səlahiyyətli orqanlardan elektron sübut təqdim edə və ya onlayn ödənişlər edə bilməlidirlər. Bu cür xidmətlərin ölkə hüdudlarından kənarda istifadəsi üçün texniki səviyyədə uyğunlaşma ilə yanaşı, əsas qayda və tələblərin ümumi anlaşılması tələb olunur. Transsərhəd qarşılıqlı fəaliyyətə nail olmaq üçün qarşılıqlı tanınma üzrə sazişlər (MRAs) tələb olunur.
Şərq Tərəfdaşlığı ölkələrinin transsərhəd elektron xidmətlər təqdim etməyə hazırlığını artırmaq və qarşılıqlı tanınma üzrə sazişlərə olan tələbatı ödəmək üçün EU4Digital aşağıdakı üsullarla yardım göstərir:
- Fundamental prinsipləri, təşkilati-texniki maneələri və onların aradan qaldırılması yollarını, rəqəmsal alətlərin mövcudluğunu müəyyən edən və xarici vətəndaşların elektron xidmətlərə çıxışını təmin edən elektron etimadın ümumi strukturunun yaradılması;
- Transsərhəd elektron imza və elektron identifikasiya xidmətlərinin pilot layihə şəklində tətbiqi;
- Məlumatların idarə edilməsi üzrə ümumi qayda və qarşılıqlı fəaliyyət prinsiplərinin müəyyən edilməsi;
- Qabaqcıl təcrübələrə uyğun olaraq transsərhəd qarşılıqlı tanınma üzrə milli fəaliyyət planlarının hazırlanması.
Bu fəaliyyət Şərq Tərəfdaşlığı ölkələrində təhlükəsiz və etibarlı rəqəmsal mühitin inkişafı üçün olduqca vacibdir.
- Elektron etimad