EU4Digital, Şərq Tərəfdaşlığı regionunda elektron ticarətin təşviqi üçün hansı işləri görür?

EU4Digital proqramının Elektron ticarət tematik sahəsi üzrə fəaliyyətlərində transsərhəd əməkdaşlığın təşviqinə dəstək verilir. Əsas hədəf aşağıdakı fəaliyyətlər vasitəsilə elektron gömrük, elektron logistika və elektron kommersiya sektorları arasında uzlaşmanın əldə olunmasıdır:

• Elektron gömrük pilot layihəsi – gömrük məlumatlarının təhlükəsiz kanal vasitəsilə sistematik və avtomatik mübadiləsinə və sərhəd-keçid məntəqələrində daha sürətli keçidlər və risklərin daha yaxşı idarə edilməsi üçün xüsusi proqram təminatının istifadəsi.
• Rəqəmsal Nəqliyyat Dəhlizi (yükdaşımalar haqqında elektron məlumatların mübadiləsi sisteminin tətbiqi) – 2026-cı ildə eFTI üzrə Reqlament çərçivəsində qüvvəyə minəcək Aİ standartlarına uyğun fiziki nəqliyyat dəhlizləri (avtomobil, dəmir yolu, daxili su yolları) boyunca yükdaşımalara dair elektron məlumatların (eFTI) mübadiləsi üçün fəaliyyət planının yaradılması.
• Elektron kommersiya üzrə sürətləndirici –
  • İstiqamət 1: Elektron kommersiya sektorunun vəziyyətinin yenidən qiymətləndirilməsi –2020-ci ildən etibarən Şərq Tərəfdaşlığı ölkələrində elektron ticarət ekosistemində qanunvericiliyin, standartların və ümumi dəyişikliklərin qiymətləndirilməsi.
  • İstiqamət 2: elektron kommersiya üzrə pilot layihəsi: milli pavilyon hesabı – Aİ-nin əsas elektron ticarət bazarlarında dövlətə məxsus “Milli pavilyon hesablarının” yaradılması və sonra satıcılara əlavə qeydiyyat, sənədləşmə və ya digər tələblər olmadan yerli istehsal məhsullarını seçilmiş satış platformalarında satışa çıxarmağa imkan verən pilot layihənin icrası.
  • İstiqamət 3 – elektron kommersiya üzrə konsultasiya mərkəzi: Kiçik və orta sahibkarlıq müəssisələri (KOB) üçün seçilmiş satış platformalarında satışa başlamağa kömək etmək üçün elektron ticarət üzrə təlimlərin keçirilməsi və fərdi məsləhətlərin verilməsi.
• Şəbəkələrin qurulması – Şərq Tərəfdaşlığı ölkələrindən olan maraqlı tərəfləri Aİ-də olan həmkarları ilə elektron ticarətdə olan tendensiyaların, fəaliyyətlərin və işlərin gedişatı ilə əlaqədar məlumatların mübadiləsinə və əlaqələrin qurulmasına cəlb etmək.