Rəqəmsal İqtisadiyyat və Cəmiyyət İndeksi (DESI) Avropa İttifaqında iqtisadiyyatın və cəmiyyətin rəqəmsallaşma dərəcəsini qiymətləndirməyə imkan verən vasitədir. Bu alət Avropa Komissiyası tərəfindən 2014-cü ildən etibarən üzv  dövlətlərin rəqəmsal texnologiyalar sahəsində irəliləyişlərini ölçmək üçün istifadə olunur və üzv dövlətlərdə ən çox istifadə edilən rəqəmsal performans indeksi olaraq qalır. O, beş əsas sahənin inkişafını izləmək üçün göstərici dəstinə malikdir:  insan kapitalı, bağlantı (bu sahə EU4Digital proqramının DESI sürətlındiricisi tərəfindən hədəf olaraq seçilməyib), rəqəmsal texnologiyalar və rəqəmsal hökumət xidmətləri sahəsində inteqrasiya.

DESI indikatorlar toplusunun tətbiqi Şərq Tərəfdaşlığı ölkələrinə rəqəmsal texnologiyaların inkişafı sahəsində mühüm imkanlar açır. İlk növbədə, bu alət, həm regional, həm də milli səviyyədə strateji və investisiya təşəbbüslərinin rəqəmsal iqtisadiyyatın və cəmiyyətin inkişafına təsirini qiymətləndirməyə imkan verir. Şərq Tərəfdaşlığı ölkələrində DESİ ilə göstəricilərin toplanması və ölçülməsinin cari vəziyyəti bu ölkələr ilə Aİ ölkələri arasında hərtərəfli müqayisə aparmağa yetərli deyil. Uyğunlaşdırılmış məlumatların ölçülməsi, həm də ölkələrin fərdi irəliləyişlərini qiymətləndirməyə və Aİ ölkələri ilə müqayisə etməyə imkan verir. Bu alət həmçinin rəqəmsal bacarıqlar, bağlantı, biznes sektorunda rəqəmsal texnologiyaların tətbiqi və rəqəmsal hökumət xidmətlərinin inkişafı və istifadəsi kimi rəqəmsal transformasiya sahəsindəki prioritetlər üzrə irəliləyişi ölçə biləcək. Üstəlik, DESI-nin tətbiqi Şərq Tərəfdaşlığı ölkələrinin 2030-cü ilə qədər Rəqəmsal Onillik siyasət proqramı kimi ümumi çərçivədən istifadə etməklə Aİ-yə üzv dövlətlərlə eyni istiqamətdə irəliləmək üçün əsas parametrlər təmin edir və bununla da qlobal rəqəmsal bazarlara inteqrasiya üçün zəmin yaradır.