Home / Stay Informed /
Aİ-nin Şərq Tərəfdaşlığı ölkələrinin iştirak edə biləcəyi hansı təşəbbüsləri var? Hansı növ proqramları misal gətirə bilərsiniz?
Date: 22/04/20
Şərq Tərəfdaşlığı ölkələrinin Avropa Komissiyası tərəfindən idarə olunan Aktiv və Sağlam Yaşlanma üzrə Avropa İnnovasiya Tərəfdaşlığı (EIP on AHA) proqramında iştirakı arzuolunandır. Bu proqramın elektron səhiyyə sahəsindəki innovasiyalar haqqında məlumatlandırma xarakteri daşıyan məqalələrdən tutmuş, tədbirlərdə iştirak etmək və Fəaliyyət Qrupu və İstinad səhifəsi proqramlarında iştirak etmək kimi daha aktiv rollara qədər bir çox qarşılıqlı fəaliyyət səviyyələri vardır.
Proqram məlumat mübadiləsini və şəbəkələrin qurulmasını təşviq edir. Məsələn İstinad səhifəsi proqramının bir üzvü Aİ-yə üzv dövlətdə tətbiq olunan bir texnoloji həll ilə tanış ola bilər və proqram vasitəsilə öz regionunda və əksinə tətbiq etmək üçün müraciət edə bilər. Fərdi şəxslərdən tutmuş təşkilatlara, o cümlədən hökumət qurumlarına, özəl sektorda fəaliyyət göstərən şirkətlərə, tədqiqat yönümlü təşkilatlara və sosial təşkilatlara kimi müxtəlif növ iştirakçı qrupları qəbul edilir. Digər bir təşəbbüs MyHealth@EU adlanır və Aİ-də elektron transsərhəd səhiyyə xidmətlərinin pilot layihə formasında tətbiqi və həyata keçirilməsi ilə məşğul olur. Təşəbbüs çərçivəsində hazırda Pasientin tibbi kitabçası və elektron resept xidmətləri təklif olunur. Gələcəkdə isə laborator nəticələr, tibbi təsvirlər, müxtəlif hesabatların və s. daxil edilməsi planlaşdırılır. Hal-hazırda Aİ-dən kənarda yerləşən ölkələrin təşəbbüsə daxil edilməsi məsələsi müzakirə edilir. Bununla da, Şərq Tərəfdaşlığı ölkələri yaxın gələcəkdə MyHealth@EU təşəbbüsündə iştirak edə biləcəklər.
- Elektron səhiyyə