EU4Digital Azərbaycanda Rəqəmsal bacarıqlar və məşğulluq üzrə milli koalisiyalara dair təlim keçirir

    • Tarix: 06/10/20 – 06/10/20
    • Paylaş:

    EU4Digital proqramı 2020-ci il oktyabrın 6-da Azərbaycan üçün Rəqəmsal bacarıqlar və məşğulluq üzrə milli koalisiyalara dair virtual təlim təşkil edəcək.

    Təlimin məqsədi Azərbaycanda fəaliyyət göstərən yerli ekspertləri milli koalisiyaların idarə olunması prinsipləri ilə tanış etmək və Azərbaycanda Rəqəmsal bacarıqlar və məşğulluq üzrə milli koalisiya yaradıldıqdan sonra növbəti mərhələlər ilə bağlı tövsiyələri müzakirə etməkdir.

    Təlim aşağıdakı məsələləri əhatə edəcək:

    • Rəqəmsal bacarıqlar üzrə milli strategiya və layihələrin müəyyənləşdirilməsində Milli koalisiyaların əhəmiyyəti;
    • Milli koalisiyalar üzrə fəaliyyət planları və təbliğat və idarəetmə ilə bağlı fəaliyyətlər;
    • Aİ-nin milli koalisiyaları ilə əməkdaşlıq, mövcud qabaqcıl təcrübələr, alətlər və resurslar.

    Sözügedən təlim EU4Digital proqramının rəqəmsal bacarıqlar tematik sahəsi çərçivəsində keçiriləcək və buraya rəqəmsal bacarıqlar mövzusunda Aİ və Şərqi tərəfdaşlıq ölkələri arasında qabaqcıl təcrübə mübadiləsini dəstəkləmək üçün bir sıra təlimlər, konfranslar və səfərlər daxildir. Rəqəmsal bacarıqlar şəbəkəsi  tərəfindən 2020-ci il aprelin 29-da keçirilən seminar zamanı təlimlər ilə bağlı prioritetlər müəyyən edilmişdir.

    EU4Digital təşəbbüsünün Rəqəmsal bacarıqlar şəbəkəsi Şərqi tərəfdaşlıq ölkələri arasında və Aİ ilə qabaqcıl təcrübə mübadiləsi üçün platforma rolunu oynayaraq sinerjilərin və birgə uyğunlaşdırma layihələrinin hazırlanması ilə bağlı ideyaları təşviq edir, eləcə də rəqəmsal bacarıqların inkişafı ilə bağlı ekspertlərin ətraflı qiymətləndirmələrini təmin edir. EU4Digital proqramı, təlimlərin, konfransların və qanunvericilər və təlim təminatçılarının Aİ-yə üzv ölkələrə tanışlıq xarakteri daşıyan səfərlərinin təşkili və Milli koalisiyaların yaradılmasına dəstək kimi bir sıra fəaliyyətlər vasitəsilə Şərqi tərəfdaşlıq ölkələrinə dəstək verir.