EU4Digital proqramı Şərq Tərəfdaşlığı (ŞT) ölkələrində elektron kommersiya sahəsi üzrə Aİ-nin əsas parametrlərini əks etdirən yenilənmiş hesabatını dərc edib. Hesabatda Avropa İttifaqında transsərhəd elektron kommersiya sahəsinin vəziyyəti haqqında ümumi məlumat verilir, o cümlədən Şərq Tərəfdaşlığı ölkələrində transsərhəd elektron kommersiyanın qiymətləndirilməsi məqsədilə etalon olaraq Aİ-nin qabaqcıl təcrübə və normaları təqdim olunub. Hesabatda üç əsas sahə təhlil edir: qanunvericilik bazası, standartlar və elektron kommersiya ekosistemi.

Rəqəmsal texnologiyalar sahəsindəki yeniliklər, gələcək layihələr və Şərq Tərəfdaşlığı üzrə siyasət proqramı haqqında daha ətraflı öyrənmək istəyirsiniz? EU4Digital təşəbbüsü Şərq Tərəfdaşlığı regionunda rəqəmsal transformasiya mövzusuna həsr olunmuş iki tədbir təşkil edir. Noyabrın 14-də Şərq Tərəfdaşlığı üzrə Rəqəmsallaşdırma Konfransında daha geniş müzakirələr üçün şərait yaradılacaq. Konfransda istənilən şəxs iştirak edə bilər. 2023-cü il noyabrın 15-də EU4Digital proqramının II mərhələsinin Koordinasiya komitəsinin dəvət olunmuş üzvləri üçün regional EU4Digital təşəbbüsünü və layihələri müzakirə etmək məqsədilə görüş keçiriləcək.

Şərq Tərəfdaşlığı (ŞT) ölkələrində rəqəmsal transformasiya haqqında xəbərlər, resurslar və digər informasiya axtarışındasınız? O zaman EU4Digital proqramının yenidən istifadəyə verilmiş https://eufordigital.eu/az/ veb-saytını ziyarət edin! Yenilənmiş səhifəsində EU4Digital proqramı özünün geniş rəqəmsal icması üçün günün tələblərinə cavab verən məzmun və təkmilləşdirilmiş istifadəçi təcrübəsi təklif edir.

EU4Digital proqramı Şərq Tərəfdaşlığı ölkələri arasından Azərbaycanı, Ukrayna və Moldovanı seçərək bu ölkələr üçün yükdaşımalarına dair məlumatların elektron mübadiləsinin (eFTI) tətbiqi üzrə fərdi yol xəritələri hazırlayacaq. 2025-ci ilin dekabrında qüvvəyə minəcək Avropa İttifaqının eFTI Reqlamentinə uyğun olaraq yol xəritələri hazırlanacaq. Bu, xəritələr yükgöndərənlər, daşıyıcılar, səlahiyyətli orqanlar və malların daşınmasında iştirak edən digər maraqlı tərəflər arasında məlumat mübadiləsini sadələşdirəcək və rəqəmsallaşdıracaq. Şərq Tərəfdaşlığı ölkələrində eFTI-yə bənzər yanaşmanın tətbiqi onların Aİ-nin eFTI ekosisteminə inteqrasiyasına kömək edəcək və bu ölkələrin səlahiyyətli orqanlarına və bu sahədə çalışan şirkətlərinə fayda verəcək.

EU4Digital proqramının elektron ticarət üzrə məsləhət mərkəzi təsis edilib. Mərkəzdə Şərq Tərəfdaşlığı ölkələrində fəaliyyət göstərən kiçik və orta müəssisələrə (KOB-lar) elektron satış platformalarında qeydiyyatdan keçməyə və məhsullarını satışa çıxarmağa imkan verəcək təlim sessiyaları keçiriləcək. Mərkəzin əsas məqsədi ŞT-də KOB-ların sayını artırmaq və Aİ ilə ŞT arasında elektron ticarətin həcmini 50% artırmağa kömək etməkdir. 16 mart 2023-cü il tarixində proqramın Elektron ticarət üzrə komandası Elektron ticarət üzrə məsləhət mərkəzini açaraq ilk təlim sessiyasını təşkil edib.

ŞT regionundakı KOB-lar EU4Digital elektron kommersiya sürətləndiricisi tərəfindən təklif olunan həllərdən yararlana biləcəklər. ŞT-dən olan maraqlı tərəflər üçün 14 fevral 2013-cü il tarixində bu mövzuya həsr olunmuş onlayn tədbir keçirilib. Tədbir EU4Digital proqramının elektron ticarət üzrə komandası tərəfindən proqramın II mərhələsindəki yenilənmiş fəaliyyətlər çərçivəsində təşkil olunub. Burada həmçinin bu ilin sonuna qədər davam edəcək Elektron kommersiya sürətləndiricisi işə salınıb. Maraqlanan KOB-lar daha ətraflı məlumat üçün EU4Digital komandası ilə əlaqə saxlaya bilərlər.

31 yanvar 2023-cü il tarixində Şərq Tərəfdaşlığı ölkələrindən olan maraqlı tərəflər üçün keçirilən tədbirdə logistika sahəsində elektron yükdaşıma məlumatlarının mübadiləsinin (eFTI) tətbiqinin əhəmiyyəti və faydaları diqqət mərkəzində olub. EU4Digital proqramının Elektron ticarət üzrə komandası tədbiri məlumatlılığı artırmaq, eFTI mübadiləsi və Aİ-nin əlaqədar qaydaları haqqında daha ətraflı məlumat vermək məqsədilə təşkil edib.

Bu məlumatlandırma tədbiri Yük daşımaları üzrə elektron məlumatlar haqqında Reqlamentin (eFTI) tətbiqinin Aİ-də logistika sahəsinin gələcək fəaliyyətinə təsiri və Şərq Tərəfdaşlığı ölkələri üçün fayda və imkanlara həsr olunub.

2030-cu il üçün Rəqəmsal Onillik siyasət proqramı qüvvəyə minib. Avropa Parlamenti, İttifaqa üzv dövlətlər və Avropa Komissiyası rəqəmsal iqtisadiyyatın inkişafına dair dörd əsas istiqamət üzrə konkret məqsəd və hədəfləri birgə müəyyən ediblər.

Avropa İttifaqı rəqəmsal transformasiya sahəsi ilə bağlı məqsədlərinə nail olmaq üçün 2023-2024-cü illər üçün Horizon Europe iş proqramı çərçivəsində 4,5 milyard avrodan çox vəsait ayırmağı planlaşdırır - bu, iş proqramının ümumi büdcəsinin 33%-dən çoxunu təşkil edir.

EU4Digital layihələrinin nailiyyət və gələcək planları oktyabrın 25-də keçirilən EU4Digital təşəbbüsünün Koordinasiya Komitəsinin iclasında nəzərdən keçirilib. İclasda həmçinin EU4Digital proqramının II mərhələsi təqdim olunub.

Dayanıqlıq, böhran vəziyyətində cavab tədbirləri və bərpa məsələləri oktyabrın 24-də keçirilən Şərq Tərəfdaşlığı Rəqəmsallaşdırma Konfransında geniş müzakirə edilib. Tədbirdə ŞT regionunda rəqəmsal transformasiya üzrə prioritetlər də diqqət mərkəzində olub.