Azərbaycanda 980-dən artıq dövlət qurumu “kağızsız hökumət”ə keçid çərçivəsində elektron sənəd dövriyyəsi altsisteminə inteqrasiya edib. “Kağızsız hökumət” texnoloji həlli milli məlumat mübadiləsi platforması çərçivəsində yaradılıb və sənədlərin standart formatından asılı olmayaraq dövlət orqanları arasında sənəd dövsiyyəsini asanlaşdıracaq. Altsistem vasitəsilə 14 000-dən artıq sənəd göndərilib.

Azərbaycanda daşınmaz əmlakın innovativ qeydiyyatı xidməti istifadəyə verilib. 1 fevral 2024-cü il tarixindən etibarən Əmlak Məsələləri Dövlət Xidməti tərəfindən texniki pasportlar, o cümlədən torpaq sahəsinin planı və ölçü sənədləri elektron formada təqdim olunacaq.

Moldovanın Rəqəmsal Avropa proqramına qoşulması müəssisələrə və dövlət orqanlarına 2021-2027-ci illər üzrə büdcəsi 7,5 milyard avro təşkil edən rəqəmsallaşma layihələri üçün Aİ-nin maliyyə yardımına müraciət etmək imkanı verəcək.

Gənc Avropa Səfirləri (YEA) 13-14 yanvar 2024-cü il tarixlərində "Boşluğun aradan qaldırılması" hakatonunu təşkil etməyə kömək ediblər. Tədbirdə süni intellekt (AI) ilə əlaqəli ən böyük problemlərin aradan qaldırılmasına yönəlmiş texnoloji həllərin müzakirəsi və gələcəkdə tərtibatı ilə bağlı ideyaların irəli sürülməsi baş tutub. İştirakçılar süni intellektin demokratiya, təhsil, ətraf mühit və bütövlükdə cəmiyyətə təsirinə dair ideyalar irəli sürüblər.

Müxtəlif sektorlarda elektron xidmətlər, məlumat mübadiləsi, süni intellektdən istifadə və məlumatlara əsaslanan qərarların qəbulunda son yeniliklər etibarlı və əlçatan məlumatların mühüm əhəmiyyət daşıdığını göstərir. Şərq Tərəfdaşlığı (ŞT) regionunda yüksək keyfiyyətli və asanlıqla əldə edilən ictimai məlumatlara artan tələbatı ödəmək üçün EU4Digital proqramı 6 dekabr 2023-cü il tarixində məlumatların idarə edilməsi haqqında strategiyalar ilə bağlı fəaliyyətlərə start verib.

4-8 dekabr tarixlərində keçirilən UNCTAD eWeek 2023 həftəsinə qatılan 3 500-dən artıq iştirakçı rəqəmsal imkanları ortaq dayanıqlı inkişaf nailiyyətlərinə çevirmək yollarını müzakirə ediblər.

14-15 dekabr 2023-cü il tarixində Avropa İttifaqı Şurası Ukrayna və Moldova ilə ittifaqa üzvlüyə dair danışıqlara başlamaq haqqında qərar qəbul edib. Bu, daima Avropaya mənsub olduğunu nümayiş etdirməyə çalışan hər iki ölkənin vətəndaşları üçün mühüm hadisədir. Aİ liderləri həmçinin Gürcüstana namizəd ölkə statusunu vermək qərarına gəliblər.

11 dekabr 2023-cü il tarixində keçirilən Şərq Tərəfdaşlığı (ŞT) xarici işlər nazirlərinin görüşündə bağlantı, regional rouminq və rəqəmsal texnologiyalara keçid kimi mövzular müzakirə olunub. Tədbirdə Aİ-yə üzv ölkələrin xarici işlər nazirləri ilə Şərq Tərəfdaşlığına (ŞT) daxil altı ölkədən beşinin (Azərbaycan, Ermənistan, Gürcüstan, Moldova və Ukrayna) xarici işlər nazirləri iştirak edib. İclasda Şərq Tərəfdaşlığı ilə bağlı fikir mübadiləsi aparılıb, proqramın nailiyyətləri təhlil edilib və siyasətin gələcəyinə dair konkret tövsiyələr müəyyənləşdirilib.

8 noyabr 2023-cü il tarixində Avropa Komissiyası Avropa İttifaqı Şurasına Ukrayna və Moldovanın Aİ-yə üzvlüyü ilə bağlı danışıqlara başlamağı və müəyyən şərtlər yerinə yetirildiyi təqdirdə Gürcüstana Aİ-yə üzvlüyə namizəd statusunun verilməsini tövsiyə edib. Komissiya həmçinin ilk dəfə olaraq bu ölkələr tərəfindən görülən işləri qiymətləndirən 2023-cü il üzrə Genişlənmə Paketini qəbul edib.

Davamlı rəqəmsal transformasiya üçün insan faktoru ilə əlaqədar ehtiyac və faydalar nəzərə alınmalıdır. Bu fikirlər 14 noyabr 2023-cü il tarixində keçirilən EU4Digital proqramının Şərq Tərəfdaşlığı (ŞT) üzrə Rəqəmsallaşma Konfransında səsləndirilib. “Rəqəmsal strateji muxtariyyət: cəmiyyətləri və iqtisadiyyatları gücləndirmək üçün rəqəmsal texnologiyalardan istifadə” mövzusunda olan tədbir, dayanıqlı hökumət və iqtisadiyyatların qurulmasında rəqəmsal bağlantı və süni intellekt (AI) kimi ən son texnologiyalar ilə innovasiyaları necə təşviq etdiyini tədqiq etməyə imkan yaradıb.

Rəqəmsal texnologiyalar Şərq Tərəfdaşlığında (ŞT) gündəlik həyatın əsasını təşkil etməyə başlayıb. Bu səbəbdən strateji planlaşdırma, siyasət və qanunvericilik aktlarının uyğunlaşdırılması və investisiyaların yatırılmasına əlaqələndirilmiş yanaşma indi olduqca mühüm əhəmiyyət kəsb edir. Bu, 15 noyabr 2023-cü il tarixində onlayn formatda keçirilən EU4Digital təşəbbüsünün Koordinasiya komitəsinin 5-ci illik toplantısında səsləndirilən əsas ismarıclardan biridir.

EU4Digital proqramının fəaliyyətləri Şərq Tərəfdaşlığı regionu ölkələri — Azərbaycan, Ermənistan, Moldova, Gürcüstan və Ukraynanın ehtiyaclarına əsasən işlənib hazırlanıb. Bu fəaliyyətlər Aİ-Şərq Tərəfdaşlığı birgə proqramı çərçivəsində Aİ Nümayəndəlikləri ilə qarşılıqlı və sıx əməkdaşlıq şəraitində həyata keçirilir. EU4Digital proqramının cari, yəni ikinci mərhələsinin fəaliyyətdə olduğu dövrdə nəticələri maksimuma çatdırmaq məqsədilə sözügedən proqram Aİ və Şərq Tərəfdaşlığı ölkələrindən olan maraqlı tərəflərin iştirakı ilə 18 oktyabr 2023-cü il tarixində Brüsseldə seminar təşkil edib. Tədbir iştirakçıları layihənin nəticələrini nəzərdən keçirmək, rəy bildirmək və EU4Digital proqramının fəaliyyətlərinin milli səviyyədə tətbiqinin sürətləndirilməsi imkanlarını tədqiq ediblər.