Azərbaycan və Gürcüstan Avropanı Mərkəzi və Cənubi Asiya ilə birləşdirən fiber-optik telekommunikasiya “dəhlizində” rəqəmsal mərkəzə çevrilməyə hazırlaşır. “AzerTelecom” şirkəti regionun rəqəmsal ekosistemini ən qabaqcıl dünya standartlarına uyğun inkişaf etdirmək məqsədi daşıyan “Rəqəmsal İpək Yolu” adlı böyük bir layihə həyata keçirir. Layihə çərçivəsində artıq fiber-optik kabellər çəkilir və 2024-cü ilin sonunadək Azərbaycan və Qazaxıstanı birləşdirəcək Transxəzər Fiber-Optik Rabitə Xəttinin tikintisinin birinci mərhələsinə başlanıb.

8 noyabr 2023-cü il tarixində Avropa Komissiyası Avropa İttifaqı Şurasına Ukrayna və Moldovanın Aİ-yə üzvlüyü ilə bağlı danışıqlara başlamağı və müəyyən şərtlər yerinə yetirildiyi təqdirdə Gürcüstana Aİ-yə üzvlüyə namizəd statusunun verilməsini tövsiyə edib. Komissiya həmçinin ilk dəfə olaraq bu ölkələr tərəfindən görülən işləri qiymətləndirən 2023-cü il üzrə Genişlənmə Paketini qəbul edib.

Səhiyyə, təhsil, maliyyə, biznes və dövlət idarəçiliyi sahələrində xidmətlərin onlayn formada təminatı artdıqca rəqəmsal bağlantı gündəlik həyatımızın ayrılmaz hissəsini təşkil etməyə başlayır. Şərq Tərəfdaşlığı (ŞT) regionunda rəqəmsal bağlantının təkmilləşdirilməsi vasitəsilə EU4Digital proqramı 2019-cu ildən etibarən Şərq Tərəfdaşlığı ölkələri olan Azərbaycan, Ermənistan, Gürcüstan, Moldova və Ukrayna ilə sıx əməkdaşlıq edir. Bu əməkdaşlıq nəticəsində vətəndaşlar və müəssisələr üçün münasib qiymətə yüksək sürətli, etibarlı və davamlı rəqəmsal bağlantıya çıxış təşviq olunur. Beləliklə, bu sahədə hansı irəliləyişlər əldə olunub və bu, Şərq Tərəfdaşlığında rəqəmsal transformasiyanın daha geniş siyasət məqsədlərinə necə dəstək verir?

Davamlı rəqəmsal transformasiya üçün insan faktoru ilə əlaqədar ehtiyac və faydalar nəzərə alınmalıdır. Bu fikirlər 14 noyabr 2023-cü il tarixində keçirilən EU4Digital proqramının Şərq Tərəfdaşlığı (ŞT) üzrə Rəqəmsallaşma Konfransında səsləndirilib. “Rəqəmsal strateji muxtariyyət: cəmiyyətləri və iqtisadiyyatları gücləndirmək üçün rəqəmsal texnologiyalardan istifadə” mövzusunda olan tədbir, dayanıqlı hökumət və iqtisadiyyatların qurulmasında rəqəmsal bağlantı və süni intellekt (AI) kimi ən son texnologiyalar ilə innovasiyaları necə təşviq etdiyini tədqiq etməyə imkan yaradıb.

Rəqəmsal texnologiyalar Şərq Tərəfdaşlığında (ŞT) gündəlik həyatın əsasını təşkil etməyə başlayıb. Bu səbəbdən strateji planlaşdırma, siyasət və qanunvericilik aktlarının uyğunlaşdırılması və investisiyaların yatırılmasına əlaqələndirilmiş yanaşma indi olduqca mühüm əhəmiyyət kəsb edir. Bu, 15 noyabr 2023-cü il tarixində onlayn formatda keçirilən EU4Digital təşəbbüsünün Koordinasiya komitəsinin 5-ci illik toplantısında səsləndirilən əsas ismarıclardan biridir.

Şərq Tərəfdaşlığı ölkələrində Rəqəmsal İqtisadiyyat və Cəmiyyət İndeksi (DESI) ilə bağlı göstəriciləri toplayan qurumların nümayəndələri 24 noyabr 2023-cü il tarixində EU4Digital proqramı tərəfindən təşkil olunacaq onlayn tədbirə dəvətlidirlər. Tədbirdə EU4Digital proqramının Rəqəmsal bacarıqlar tematik sahəsi üzrə ekspertləri tərəfindən DESI-nin tətbiqinin təhlili üzrə nəticələr təqdim ediləcək, DESI göstəricilərinin tam şəkildə ölçülməsinin həyata keçirilməsi üçün regional və milli tövsiyələr müzakirə ediləcək və bu sürətləndiricinin mərhələləri ətrafında fikir mübadiləsi aparılacaq.

EU4Digital proqramının fəaliyyətləri Şərq Tərəfdaşlığı regionu ölkələri — Azərbaycan, Ermənistan, Moldova, Gürcüstan və Ukraynanın ehtiyaclarına əsasən işlənib hazırlanıb. Bu fəaliyyətlər Aİ-Şərq Tərəfdaşlığı birgə proqramı çərçivəsində Aİ Nümayəndəlikləri ilə qarşılıqlı və sıx əməkdaşlıq şəraitində həyata keçirilir. EU4Digital proqramının cari, yəni ikinci mərhələsinin fəaliyyətdə olduğu dövrdə nəticələri maksimuma çatdırmaq məqsədilə sözügedən proqram Aİ və Şərq Tərəfdaşlığı ölkələrindən olan maraqlı tərəflərin iştirakı ilə 18 oktyabr 2023-cü il tarixində Brüsseldə seminar təşkil edib. Tədbir iştirakçıları layihənin nəticələrini nəzərdən keçirmək, rəy bildirmək və EU4Digital proqramının fəaliyyətlərinin milli səviyyədə tətbiqinin sürətləndirilməsi imkanlarını tədqiq ediblər.

25-26 oktyabr 2023-cü il tarixində Ermənistanın paytaxtı İrəvanda Müstəqil Tənzimləyicilər və Genişzolaqlı Rabitə üzrə İşçi Qrupunun (IRB EWG) görüşündə Şərq Tərəfdaşlığı ölkələrində genişzolaqlı bağlantının inkişafı istiqamətində konkret tədbirlər razılaşdırılıb. Tədbirdə əsas diqqət topdansatış genişzolaqlı bağlantı bazarının təhlilinə və genişzolaqlı bağlantıya çıxışın monitorinqi məsələlərinə yönəlib.

EU4Digital proqramı genişzolaqlı bağlantı sahəsində rəqabətin təşviqinə dair Aİ-nin qabaqcıl təcrübələrindən ibarət hesabat dərc edib. Hesabatda beş Aİ-yə üzv dövlətdə araşdırmaların nəticələri təhlil edilir və genişzolaqlı bağlantı xidmətləri bazarının inkişafını izləmək və bu sahədə siyasəti həyata keçirmək üçün Şərq Tərəfdaşlığı ölkələrinin bu təcrübədən necə yararlana biləcəyi üçün tövsiyələr yer alıb. Bu, EU4Digital və Şərq Tərəfdaşlığı ölkələrinə Avropa İttifaqının əsas kommunikasiya siyasətinin bir hissəsini təşkil edən rəqəmsal kommunikasiya məqsədlərinə nail olmağa imkan verəcək.

Şərq Tərəfdaşlığında rəqəmsallaşdırma sahəsindəki fəaliyyətlərə rəhbərlik edən komanda sizi EU4Digital proqramı haqqında xəbərlər, elanlar, məqalələr və digər nəşrlərə çıxış imkanı yaradan çoxlu sayda üsulları nəzərdən keçirməyə dəvət edir - yeni Twitter hesabı vasitəsilə siz də müzakirələrə qoşulun!

EU4Digital proqramı Şərq Tərəfdaşlığı (ŞT) ölkələrində elektron kommersiya sahəsi üzrə Aİ-nin əsas parametrlərini əks etdirən yenilənmiş hesabatını dərc edib. Hesabatda Avropa İttifaqında transsərhəd elektron kommersiya sahəsinin vəziyyəti haqqında ümumi məlumat verilir, o cümlədən Şərq Tərəfdaşlığı ölkələrində transsərhəd elektron kommersiyanın qiymətləndirilməsi məqsədilə etalon olaraq Aİ-nin qabaqcıl təcrübə və normaları təqdim olunub. Hesabatda üç əsas sahə təhlil edir: qanunvericilik bazası, standartlar və elektron kommersiya ekosistemi.

Rəqəmsal texnologiyalar sahəsindəki yeniliklər, gələcək layihələr və Şərq Tərəfdaşlığı üzrə siyasət proqramı haqqında daha ətraflı öyrənmək istəyirsiniz? EU4Digital təşəbbüsü Şərq Tərəfdaşlığı regionunda rəqəmsal transformasiya mövzusuna həsr olunmuş iki tədbir təşkil edir. Noyabrın 14-də Şərq Tərəfdaşlığı üzrə Rəqəmsallaşdırma Konfransında daha geniş müzakirələr üçün şərait yaradılacaq. Konfransda istənilən şəxs iştirak edə bilər. 2023-cü il noyabrın 15-də EU4Digital proqramının II mərhələsinin Koordinasiya komitəsinin dəvət olunmuş üzvləri üçün regional EU4Digital təşəbbüsünü və layihələri müzakirə etmək məqsədilə görüş keçiriləcək.