İKT, İnnovasiyalar və Startap ekosistemləri

Aİ EU4Digital təşəbbüsü vasitəsilə Şərq Tərəfdaşlığının (ŞT) innovasiya və startap ekosistemlərini Aİ şəbəkələri ilə əlaqələndirməyi və Aİ-nin qabaqcıl təcrübələri, prinsipləri və standartları əsasında innovasiyaları və startapları dəstəkləmək üçün iki ekosistem arasındakı boşluqları aradan qaldırmağı nəzərdə tutur.

Bu məqsədlər naminə EU4Digital proqramının II mərhələsi aşağıdakı işləri görəcək:

• Aİ və Şərq Tərəfdaşlığında innovasiyalar ekosisteminin maraqlı tərəfləri arasında şəbəkələşmənin və müvafiq təcrübə və alətlərin ötürülməsinin asanlaşdırılması;
• Şərq Tərəfdaşlığı rəqəmsal startap ekosisteminin inkişafına dəstək;
• Şərq Tərəfdaşlığı ölkələrində innovasiya klasterlərinin inkişafı üçün vahid çərçivə və tövsiyələrin hazırlanması.

Bu işlər regionun İKT sahəsində tədqiqat, startap və innovasiya ekosistemlərini gücləndirmək üçün konkret ölkələr üzrə siyasətlərə dair tövsiyələrin və fəaliyyət planlarının işlənib hazırlanmasını və ŞT maraqlı tərəfləri ilə Aİ təşkilatları arasında əsas şəbəkə tədbirlərinin təşkilini əhatə edən proqramın I mərhələsinin İKT və innovasiyalar sahəsindəki fəaliyyətinin nailiyyətlərinə əsaslanır. Rəqəmsal innovasiyalar və miqyasın artırılmasına dair təşəbbüs (DISC) üzrə bazarın qiymətləndirilməsi həyata keçirilib. İKT sahəsində sahibkarlıq ekosistemlərinin qurulması və Texnologiya sahəsində çalışan qadınlar üçün mentorluq proqramının yaradılması üçün təlimatlar İKT ekosistemlərinin inkişafını sürətləndirməyə yönəlmiş tamamlayıcı elementlər olmuşdur.

Proqramda aşağıdakıların inkişafına yönəlmiş EU4Digital İKT və innovasiyalar şəbəkəsinin fəaliyyətinə dəstək verilir:

• Şəbəkələşmə
• İnnovasiya bazası
• İnnovasiya infrastrukturu
• Startaplar üzrə pilot layihələr
• KOB-lar üçün innovativ xidmətlər

Aİ-nin EU4Digital təşəbbüsü vasitəsilə dəstəyi sayəsində İKT və innovasiyalar qabaqcıl elmi araşdırmaların və transsərhəd sərmayələrin paylaşılmasının yaxşılaşması, ŞT regionundan olan startapların və KOB-ların Aİ bazarlarına asanlıqla çıxışı, yeni sərmayələrin cəlb olunması və istedadlı gənclər üçün yeni iş yerlərinin yaradılması, eləcə də biliklərin, məhsuldarlığın və dəyərin artması gözlənilir.

Hazırda Aİ tərəfindən maliyyələşdirilən EaPConnect proqramı çərçivəsində ŞT-də 700-dən artıq qurumda çalışan iki milyona yaxın alim, tələbə və təhsil işçisinin rəqəmsal xidmətlərə və qlobal tədqiqat məkanına çıxışını təmin edərək yüksək tutumlu genişzolaqlı internet vasitəsilə tədqiqat və təhsil icmaları və onların Avropalı həmkarları arasında qarşılıqlı əlaqələrin qurulması vasitəsilə İKT və innovasiyaların inkişafına dəstək verilir.