Далучайцеся да гутаркі з EU4Digital: новыя магчымасці ў «Твітэры»

З заканчэннем летніх канікул каманда, адказная за навіны, абвяшчэнні, гісторыі і іншыя публікацыі пра EU4Digital і дзейнасць Усходняга партнёрства ў лічбавай сферы, прапануе вам даведацца пра новыя спосабы доступу да гэтых матэрыялаў. У прыватнасці, новы акаўнт у «Твітэры» быў паспяхова пратэставаны гэтым летам і папоўніў спіс каналаў інфармавання. Далучайцеся да гутаркі! 

Новы акаўнт @EU4Digital у «Твітэры» прапануе візуальную падборку навін, гісторый і аналітыкі даных з неабдымнага масіву матэрыялаў EU4Digital. Канал у «Твітэры» ўжо змяшчае шмат каштоўнай інфармацыі з сайта EU4Digital, да якой будзе дадавацца новая. Мы ўжо рыхтуемся весці прамую трансляцыю з ключавых мерапрыемстваў, такіх як штогадовая Лічбавая канферэнцыя для Усходняга партнёрства і сустрэча Кіраўнічага камітэта EU4Digital, што адбудуцца ў лістападзе. Заходзьце і пераканайцеся самі. 

Мы заўсёды ўдзячныя за вашы рэтвіты і падабайкі, але яшчэ большы рады больш інтэрактыўнаму і непасрэднаму кантакту з вамі. Таму просім вас смела цытаваць і адзначаць нас, адказваць нам, адпраўляць прыватныя паведамленні і, вядома, падпісвацца на нас: @EU4Digital

Іншыя спосабы заставацца ў курсе

• Прагляд абноўленага сайта
  Мы працягваем аптымізацыю нядаўна перазапушчанага сайта, якому давяраюць тысячы спецыялістаў у галіне лічбавізацыі з Бруселя і рэгіёна Усходняга партнёрства. Мы старанна адбіраем важныя навіны, інфармацыю пра мерапрыемствы, гісторыі поспеху і публікацыі, разглядаючы мясцовыя пытанні скрозь рэгіянальную прызму. Усё гэта вы можаце знайсці ў адным месцы; наведайце наш сайт! 

• Атрымлівайце абвяшчэнні па электроннай пошце
  Наша штоквартальная інфармацыйная рассылка хутка аднавіцца і будзе даваць падборку надзейнай інфармацыі аб тым, што адбываецца ў сферы лічбавізацыі ва Усходніх краінах-партнёрах. Папярэднія інфармацыйныя рассылкі заўсёды даступныя да прагляду анлайн. Тым не менш больш за 3 000 чытачоў атрымліваюць дайджэст на англійскай мове па электроннай пошце. Калі нехта з вашага атачэння зацікаўлены ў атрыманні паведамленняў ад EU4Digital, просім вас перадаць ім гэтую інфармацыю, а калі вы самі яшчэ іх не атрымліваеце, то падпісвайцеся на нашу рассылку.