ЕС падтрымлівае развіццё тэлекамунікацыйнай інфраструктуры на беларуска-літоўскай мяжы

6 верасня ў Мінску быў афіцыйна адрыты фінансаваны ЕС праект па развіцці тэлекамунікацыйнай інфраструктуры на беларуска-літоўскай мяжы (БОМБЕЛ-4).

Праект з бюджэтам 3,7 млн. еўра з’яўляецца працягам праекта «БОМБЕЛЬ-3» (2009-2011 гг.), які дазволіў памежнай службе Беларусі стварыць сучасную сістэму сувязі і перадачы дадзеных уздоўж беларуска-польскай мяжы.

Аказанне тэхнічнай дапамогі ў стварэнні тэлекамунікацыйнай сеткі на ўзроўні найноўшых тэхналогій, заснаваных на выкарыстанні валаконна-аптычных ліній сувязі з высокай прапускной здольнасцю, БОМБЕЛ-4 робіць важны ўнёсак ва ўдасканаленне сістэмы кіравання органамі пагранічнай службы на беларуска- літоўскім участку мяжы.

Агульная працягласць валаконна-аптычных ліній сувязі, што плануюцца да будаўніцтва, складае амаль 400 кіламетраў, а колькасць станцыйных аб’ектаў – каля 50.  Усе працы плануецца завяршыць усяго за 24 месяцы.

У рамках рэалізацыі БОМБЕЛ-4 будзе праведзена глыбокая мадэрнізацыя тэлекамунікацыйнай інфраструктуры пагранслужбы на беларуска-літоўскім участку мяжы, якая дазволіць пабудаваць надзейную высакахуткасную сетку, якая забяспечвае магчымасць выкарыстання ўсіх найноўшых відаў тэлекамунікацыйных паслуг у інтарэсах аховы мяжы, а таксама стварыць умовы для пабудовы сістэмы інтэграванага кіравання мяжой з выкарыстаннем найноўшых тэхнічных рашэнняў.

Генерал-маёр Ігар Печань, намеснік старшыні Дзяржаўнага памежнага камітэта Беларусі, сказаў, што гэты праект з’яўляецца самым буйным праектам стварэння аб’ектаў тэлекамунікацыйнай інфраструктуры ў Беларусі, што рэалізуецца Еўрапейскім саюзам, не толькі з гледзішча яго тэхналагічнасці, тэрмінаў будаўніцтва, кошту, але і па яго маштабнасці.

Менеджар праектаў Прадстаўніцтва Еўрапейскага саюза ў Беларусі Оўта Хермалахці зазначыла: «Дзякуючы такой сумеснай працы мы дасягаем межаў, якія добра функцыянуюць. Яны бяспечныя, закрытыя для супрацьпраўнай дзейнасці і адначасова адкрытыя для законапаслухмяных грамадзян. Гэта вельмі важна, таму што мы суседзі – Беларусь і Еўрасаюз і гэтыя межы нас злучаюць, а не адштурхваюць».

Прэс-рэліз