Устаноўчае пасяджэнне для прыцягнення ўвагі да Рэгламенту eFTI і дзейнасці Лічбавых транспартных калідораў

Гэтае пасяджэнне павысіць асвядомленасць аб тым, што будзе значыць электронная інфармацыя аб грузавых перавозках (eFTI) для лагістыкі ў ЕС і якія перавагі і магчымасці яна дае Усходнім краінам-партнёрам. 

Колькі дрэваў можна выратаваць, калі перайсці ад папяровага да электроннага абмену інфармацыяй аб грузавых перавозках? Згодна з ацэнкамі, толькі на Заходніх Балканах можна выратаваць 26 000 дрэваў (234 000 упаковак паперы для друку) у год. Дзеля параўнання, у Цэнтральным парку ў Нью-Ёрку налічваецца каля 18 000 дрэваў.

Паколькі рэгіён Усходняга партнёрства амаль у пяць разоў буйнейшы, пераход лагістычнай галіны на лічбавы абмен інфармацыяй можа вельмі спрыяльна ўздзейнічаць на навакольнае асяроддзе і эканоміку.

Сфера лагістыкі ЕС імкнецца да лічбавізацыі грузавых перавозак. Электронны абмен інфармацыяй паступова заменіць папяровы, а больш бесперашкодны транзіт скароціць чэргі на мытні. Ключавую ролю ў гэтым працэсе грае Рэгламент ЕС аб Электроннай інфармацыі аб грузавых перавозках(eFTI), які звязаны са Стратэгіяй разумнай і ўстойлівай мабільнасці і Зялёным парадкам дня і будзе поўнасцю ажыццёўлены да 2025 года. Па сутнасці, Рэгламент eFTI распрацаваны дзеля таго, каб стварыць адзіную прававую базу дзеля рэгулявання абмену лічбавай дакументацыяй аб грузаперавозках, вызначыць тэхнічныя нормы для парталаў і платформаў і забяспечыць прыняцце інфармацыі ў электронным фармаце ўладамі ЕС (калі транспартная кампанія вырашыць прадастаўляць яе ў лічбавай форме).

Падчас фазы II праекта EU4Digital дзейнасць у галіне электроннай лагістыкі напрамку Электроннага гандлю сканцэнтравана на стварэнні Лічбавых транспартных калідораў  паміж ЕС і Усходнімі краінамі-партнёрамі, а ў асаблівасці на ўкараненні eFTI. У канчатковым выніку павінен быць распрацаваны паэтапны план укаранення электроннай дакументацыі аб грузаперавозках і ажыццяўлення Рэгламенту eFTI у абраных Усходніх краінах-партнёрах, а таксама план далучэння тэставых парталаў і платформаў eFTI да еўрапейскіх. 31 студзеня з 12:00 да 13:00 (GMT+1) пройдзе віртуальнае пасяджэнне, якое азнамянуе пачатак дзейнасці і прыцягне да яе ўвагу.  Канчатковая мэта гэтага пасяджэння – паказаць важнасць Рэгламенту eFTI для ЕС і Усходніх краін-партнёраў і прадставіць дзейнасць па стварэнні Лічбавых транспартных калідораў, якая дапаможа ўкараніць eFTI у дзвюх Усходніх краінах-партнёрах.

Мерапрыемства адрасавана зацікаўленым бакам з Усходніх краін-партнёраў: прадстаўнікам урадаў з міністэрстваў эканомікі, інфраструктуры, высокатэхналагічнай прамысловасці, транспарту і іншых; мытным органам; гандлёвым асацыяцыям; прадстаўнікам дзяржаўных і прыватных лагістычных кампаній; Дэлегацям ЕС і г. д. 

Калі Вы належыце да мэтавай аўдыторыі і жадалі б прыняць удзел у мерапрыемстве, просім вас зарэгістравацца, звязаўшыся з Сабінай Пуземскай (Sabina.Puzemskaja[at]lt.ey.com). Зарэгістравацца можна да 27 студзеня.