Беларуская 
Азербайджанская
Англійская
Армянская
Грузінская
Румынская
Руская
Украінская
Лічбавая трансфармацыя хутка мяняе эканамічнае асяроддзе, а пандэмія COVID-19 яшчэ больш паскорыла гэту тэндэнцыю, падштурхнуўшы многія арганізацыі, МСП і нават органы дзяржаўнай улады да пераходу на лічбавыя тэхналогіі. У той жа самы час пандэмія выявіла тыя вобласці лічбавай эканомікі і грамадства, якія патрабуюць паляпшэння. У прыватнасці, яна прадэманстравала тое, як важна валодаць адпаведнымі лічбавымі навыкамі.
З прычыны таго, што краіны спрабуюць адысці ад пандэміі і паскорыць лічбавую трансфармацыю, EU4Digital правёў кампанію, якая засяродзіла ўвагу на важнасці лічбавых навыкаў і на тым, як ЕС дапамагае краінам-партнёрам развіваць лічбавыя навыкі, каб задаволіць усё большы попыт на іх у эканамічнай і сацыяльнай сферах.
Кампанія, якая праводзілася ў мясцовай прэсе і ў сацыяльных сетках, будавалася вакол серыі артыкулаў, падрыхтаваных у супрацоўніцтве з партнёрамі з мясцовых СМІ.
Азнаёміцца з артыкуламі можна тут:
- Барацьба з разрывам у лічбавых навыках – галоўная задача ЕС і Усходняга партнёрства
- Камп’ютарныя коды і робаты: як Еўрапейскі саюз дапамагае развіваць лічбавыя навыкі ў Арменіі
- Не адставайце: развіццё навыкаў для лічбавай будучыні ў Азербайджане
- Грузія: сёстры-блізняты, жыццё якіх змянілася дзякуючы лічбавым навыкам
- Заглядаючы ў будучыню: ЕС дапамагае развіваць лічбавыя навыкі ў Рэспубліцы Малдова
Часткай кампаніі стала серыя відэаролікаў з інфаграфікай, апублікаваных у сацыяльных сетках. Яны падкрэслілі важнасць лічбавых навыкаў і пазнаёмілі з людзьмі, якія паспяхова ўжываюць іх на практыцы.
Кампанія таксама прыцягнула ўвагу да працы EU4Digital у вобласці электронных навыкаў пры дапамозе інфармацыйнага бюлетэня, які змяшчае апісанне дзейнасці па ключавых напрамках, і электронных картак з адказамі на практычныя пытанні па дадзенай тэме.
