Карціраванне інфраструктуры шырокапалоснай сувязі: вынікі першага рэгіянальнага семінара УП і Групы Сусветнага банка

  • Дата: 16/03/20
  • Падзяліцца:

20-21 лютага ў Варшаве ў штаб-кватэры рэгулятыўнага органа Польшчы — Упраўлення па электронных камунікацыях (UKE) — адбыўся першы рэгіянальны семінар УП і Сусветнага банку па інфраструктуры шырокапалоснай сувязі. 

Удзельнікі семінара з краін Усходняга партнёрства падзяліліся сваімі напрацоўкамі і карыснымі парадамі адносна правядзення аналізу інфраструктуры шырокапалоснай сувязі. Прадстаўнікі нацыянальных дырэктыўных і рэгулятыўных органаў расказалі пра мэты карціравання ў адпаведных краінах. Гэта інфармацыя паслужыць асновай для бягучай тэхнічнай дапамогі Групы Сусветнага банка ў рамках праграмы EU4Digital.

Эксперты з UKE, Галоўнага ўпраўлення геадэзіі і картаграфіі і Orange Polska распавялі, як Польшча карціруе сваю шырокапалосную інфраструктуру. Гаворка вялася пра прававую базу і тыпы дадзеных, якія збіраюць па інфраструктуры і паслугах, а таксама пра прыклады канкрэтных інструментаў апрацоўкі сабранай інфармацыі.

Сустрэчы прадстаўнікоў краін Усходняга партнёрства, Групы Сусветнага банка і экспертаў з UKE дапамаглі вызначыць напрамкі далейшага супрацоўніцтва.

У працы семінара прынялі ўдзел прадстаўнікі шасці краін Усходняга партнёрства: Арменіі, Азербайджана, Беларусі, Грузіі, Малдовы і Украіны, старшыня і сустаршыня адной з трох экспертных рабочых груп EaPeReg — Працоўнай групы экспертаў па незалежнасці рэгулятыўных органаў і шырокапалоснай сувязі (IRB EWG), а таксама прадстаўнікі Сусветнага банка і партугальскага рэгулятыўнага органа ANACOM.

Прэс-рэліз


Навіны

Паглядзець усё