Раптоўны пераход да працы ў аддаленым рэжыме прымусіў многіх з нас пераасэнсаваць тое, як мы ўзаемадзейнічаем з навакольным светам, нагадаўшы аб надзвычайнай важнасці паслуг лічбавага даверу для забеспячэння надзейнага і бяспечнага ўзаемадзеяння ў лічбавым асяроддзі. З сакавіка па чэрвень гэтага года ўвядзенне строгіх каранцінных мер ва ўсім свеце прывяло да росту колькасці аперацый з выкарыстаннем электронных подпісаў «EU Sign» за месяц на 600 %. Усходнія краіны-партнёры таксама могуць выкарыстаць гэты пераход да працы анлайн у якасці каталізатара змен у галіне лічбавага даверу.

Паслугі лічбавага даверу сёння

Электронныя подпісы ў Еўрапейскім саюзе рэгулююцца eIDAS (Рэгламентам аб электроннай ідэнтыфікацыі, аўтэнтыфікацыі і паслугах даверу), які вызначае адзіныя правілы выкарыстання электроннага пасведчання асобы (eID) і электронных подпісаў (eSignatures) у 27 краінах ЕС. Тэхналагічная рэалізацыя, паслугі даверу і мясцовае заканадаўства, якое рэгулюе электронныя подпісы, ва Усходніх краінах-партнёрах адрозніваюцца адны ад адных і ад тых, што існуюць у ЕС.

Каб ацаніць стан спраў у дадзенай сферы ў кожнай з краін, Праект EU4Digital правёў аналіз узроўню развітасці паслуг лічбавага даверу і электроннай ідэнтыфікацыі ва Усходніх краінах-партнёрах. У ходзе аналізу была зроблена ацэнка рэгіёна УП з арганізацыйнага, прававога і тэхналагічнага пункту гледжання. У адпаведнасці з Рэгламентам eIDAS для ўзаемнага прызнання электронных подпісаў прылады для іх стварэння павінны адпавядаць пэўным крытэрыям, але аналіз паказаў, што існыя сродкі адрозніваюцца адзін ад аднаго. На дадзены час патрабуецца гарманізацыя электронных пасведчанняў асобы і электронных подпісаў паміж краінамі ў мностве сфер, а менавіта ў тых, што звязаны з канфідэнцыяльнасцю даных і іх абаронай.

Пілотная ініцыятыва eSignature

У дадзены момант у рамках пілотнай ініцыятывы eSignature пад кіраўніцтвам Праекта EU4Digital ажыццяўляецца тэсціраванне электронных подпісаў паміж абранымі Усходнімі краінамі-партнёрамі. Пілотны праект eSignature дзейнічае паміж Украінай і Эстоніяй (УП-ЕС) і паміж Украінай і Малдовай (ВП-ВП). Пілотны праект eSignature паміж краінамі, запушчаны ў красавіку 2020 года, датычыцца выкарыстання метак часу, механізмаў пацвярджэння, ажыццяўлення праверкі статусу сертыфіката і тэсціруе тэхналогію кваліфікаванага электроннага подпісу (лічбавага подпісу) на практыцы.  

Важна падкрэсліць, што пілотны праект eSignature дазволіць даведацца аб тэхнічных і арганізацыйных аспектах, якія неабходна ўлічваць для таго, каб узаемнае прызнанне паслуг лічбавага даверу паміж краінамі стала магчымым. Выкарыстанне электронных подпісаў паміж краінамі з’яўляецца адной з неабходных умоў для пашырэння адзінага лічбавага рынку на рэгіён Усходняга суседства. Таму падчас гэтага працэсу Праект EU4Digital будзе аказваць падтрымку і вызначыць, што патрабуецца для поўнага ўкаранення eSignature ва Усходніх краінах-партнёрах. Акрамя таго, EU4Digital імкнецца дабіцца неразрыўнасці, таму спецыялісты праекта падрыхтуюць рэгіянальную дарожную карту і планы дзеянняў для кожнай краіны для дасягнення ўзаемнага прызнання сродкаў электроннай ідэнтыфікацыі ў рэгіёне УП на падставе Рэгламенту eIDAS і ў поўнай адпаведнасці з напрацаваным ЕС заканадаўствам у адносінах да краін УП. 

Падрабязней:  Паміж якімі краінамі EU4Digital ажыццяўляе пілотны праект eSignatures? Што дакладна гэта будзе уключаць?