Воблачныя платформы для даследаванняў у цэнтры ўвагі на семінары EaPConnect

  • Дата: 28/11/19
  • Падзяліцца:

Абмен ведамі пра выкарыстанне воблачных платформ у навуковых даследаваннях і адукацыі быў мэтай двухдзённага семінара, арганізаванага праектам ЕС Усходняе партнёрства — сувязі (EaPConnect) і італьянскай нацыянальнай навукова-адукацыйнай сеткай (NREN) GARR 21-22 лістапада ў Рыме.

У працы семінара прынялі ўдзел прадстаўнікі нацыянальных навукова-адукацыйных сетак краін Усходняга партнёрства: Азербайджана (AzScienceNet), Арменіі (ASNET AM), Беларусі (BASNET), Грузіі (GRENA) і Рэспублікі Малдова (RENAM).

Праграма ўключала прэзентацыі тэматычных даследаванняў з боку адміністратараў і экспертаў воблака GARR і круглыя сталы, каб падзяліцца інфармацыяй пра праблемы, агульныя выклікі і перадавы досвед. Галоўная мэта палягала ў тым, каб падзяліцца ўрокамі, атрыманымі ў гэтай галіне, і натхніць і скіраваць нацыянальныя навукова-адукацыйныя сеткі, якія яшчэ не прапаноўваюць воблачныя паслугі сваім супольнасцям або якія хацелі б пашырыць наяўныя паслугі.

Турал Мустафаеў, адміністратар AzScienceNet, сказаў: «Галоўны здабытак удзелу ў семінары — абмен досведам. Мы толькі пачалі разгортванне нашай воблачнай платформы OpenStack, а падчас семінару нам прадэманстравалі просты, хуткі і аўтаматызаваны працэс устаноўкі OpenStack. Мы лічым, што ў выніку гэтага семінара мы паскорым працэс разгортвання і зробім яго нашмат прасцейшым».

Цотнэ Газалішвілі з GRENA паведаміў, што «вывучэнне вынікаў маніторынгу воблачнай інфраструктуры і сэрвісаў было цікавым і інфарматыўным», а яго калега Тэмур Майсурадзэ дадаў: «Абмеркаванне OpenStack было асабліва цікавым, бо гэта будзе вельмі карысна для нашай будучай працы».

Семінар быў арганізаваны ў рамках дзейнасці па праекце EAPConnect па нарошчванні навыкаў і патэнцыялу ў краінах-партнёрах з больш шырокай мэтай інтэграцыі іх у агульнаеўрапейскую сетку GÉANT і садзейнічання супрацоўніцтву з мясцовымі навукоўцамі, студэнтамі і даследчыкамі, у тым ліку з дапамогай разгортвання супольных сэрвісаў.

Праект EaPConnect накіраваны на стварэнне рэгіянальнай навукова-адукацыйнай сеткі ў краінах Усходняга партнёрства ЕС — Азербайджане, Арменіі, Беларусі, Грузіі, Малдове і Украіне. Агульная мэта заключаецца ў скарачэнні лічбавага разрыву, паляпшэнні ўнутрырэгіянальных сувязей і садзейнічанні ўдзелу мясцовых навукоўцаў, студэнтаў і прадстаўнікоў акадэмічных колаў у глабальным навукова-адукацыйным супрацоўніцтве.

Прэс-рэліз


Навіны

Паглядзець усё