Грузія

Лічбавізацыя можа павысіць эфектыўнасць, дакладнасць і даступнасць медыцынскага абслугоўвання. Каб дапамагчы Усходнім краінам-партнёрам аб’яднаць свае паслугі электроннай аховы здароўя з замежнымі, EU4Digital садзейнічае гарманізацыі лічбавых медыцынскіх паслуг у рэгіёне. У гэтым 59-секундным відэа тлумачыцца, як дзейнасць у межах тэматычнай вобласці Электронная ахова здароўя праекта EU4Digital дапамагае дасягненню гэтых мэт.

Кожны бізнес залежыць ад квітнеючай інавацыйнай экасістэмы. Усходнія краіны-партнёры спадзяюцца на дапамогу EU4Digital з паляпшэннем іх экасістэмы для стартапаў і інвестараў. У гэтым 50-секундным відэа тлумачыцца, як разнастайныя мерапрыемствы тэматычнай вобласці Інавацыі ў сферы ІКТ робяць унёсак у гэтую падтрымку.

Як Усходнія краіны-партнёры развіваюць дзелавыя сувязі з краінамі Еўрапейскага саюза і як гэта становіцца прасцей і бяспечней? Намаганні EU4Digital па гарманізацыі экасістэмы, заканадаўства, стандартаў і метадаў працы ў галіне электроннай камерцыі дапамагаюць дасягненню гэтай мэты. У гэтым 58-секундным відэа тлумачыцца, як мерапрыемствы тэматычнай вобласці Электронны гандаль праекта EU4Digital дапамагаюць стымуляваць канкурэнцыю і лічбавую эканоміку.

Дзеля ўстойлівага эканамічнага развіцця Усходнім краінам-партнёрам неабходна даступная сувязь. Тэматычная вобласць Нормы тэлекамунікацыйнага сектара праекта EU4Digital садзейнічае дасягненню гэтай мэты дзякуючы шэрагу мерапрыемстваў, якія ў выніку дапамагаюць зрабіць больш танную, хуткую і надзейную лічбавую сувязь даступнай для большай колькасці людзей. У гэтым 49-секундным відэа тлумачыцца, як гэта адбываецца.

Мы ведаем, што развіццё лічбавых навыкаў спрыяе лічбавай трансфармацыі грамадства. Каб Усходнія краіны-партнёры маглі зрабіць магчымасці навучання даступнымі грамадзянам любога ўзросту і з любым узроўнем даходаў, у межах тэматычнай вобласці Лічбавыя навыкі праекта EU4Digital праводзяцца разнастайныя дапаможныя мерапрыемствы. У гэтым 50-секундным відэа тлумачыцца, як гэта адбываецца.

У лічбавую эпоху электронная ідэнтыфікацыя (eID) і паслугі даверу павінны быць даступныя з абодвух бакоў дзяржаўных меж. EU4Digital дапамагае Усходнім краінам-партнёрам у іх імкненні уніфікаваць трансгранічны доступ да лічбавых паслуг. У гэтым 61-секундным відэа тлумачыцца, якім чынам тэматычная вобласць Лічбавы давер праекта EU4Digital аказвае падтрымку.

Справаздача аб перадавым досведзе пашырэння доступу да канкурэнтных паслуг шырокапалоснай інтэрнэт-сувязі ў ЕС была падрыхтаваная спецыялістамі праекта EU4Digital у межах напрамку дзейнасці Нормы тэлекамунікацыйнага сектара. Справаздача складаецца з чатырох ключавых частак, што ілюструюць план дзеянняў Еўрапейскага саюза па спрыянні развіццю шырокапалоснай сувязі. Яе галоўная мэта – падзяліцца досведам, які набыў ЕС і яго дзяржавы-члены і які могуць прымяніць Усходнія краіны-партнёры.

Справаздача EU4Digital аб укараненні інструментарыю ЕС для забеспячэння бяспекі 5G вызначае перадавы досвед ЕС, ключавыя вобласці, што датычацца стратэгіі і рызыкі, спрыяе распрацоўцы каардынаванага падыходу і дае рэкамендацыі Усходнім краінам-партнёрам, іх сеткавым аператарам і іншым зацікаўленым бакам.

Гэтая справаздача змяшчае агляд сферы трансгранічнай электроннай камерцыі ў Еўрапейскім саюзе, а таксама перадавога досведу і норм ЕС. Стандартны ЕС вызначаюцца дзеля таго, каб служыць арыенцірам для ацэнкі стану трансгранічнай электроннай камерцыі ва Усходніх краінах-партнёрах. Справаздача аб’ёмам 99 старонак прадстаўляе стандарты ЕС па главах, у якіх аналізуюцца тры асноўныя вобласці – прававая база, нормы і экасістэма электроннай камерцыі.