CyberEast: Дыстанцыйная магістэрская праграма па расследаванні кіберзлачынстваў і камп’ютарнай крыміналістыцы стартуе ў верасні 2020 года

Дзесяць супрацоўнікаў праваахоўных органаў/органаў крымінальнага правасуддзя з пяці краін Усходняга партнёрства (Арменіі, Беларусі, Грузіі, Малдовы і Украіны) атрымаюць падтрымку ад сумеснага праекта CyberEast Еўрапейскага саюза і Савета Еўропы для ўдзелу ў дыстанцыйнай магістэрскай праграме Камп’ютарна-тэхнічная экспертыза і расследаванне кібезлачынстваў, якую прапануе Універсітэцкі каледж Дубліна, Ірландыя.

Праграма пачынаецца ў верасні 2020 года і працягнецца 24 месяцы. Яна будзе змяшчаць такія модулі, як камп’ютарная крыміналістыка, сеткавыя расследаванні, тэхнікі фінансавых расследаванняў – выяўленне крыніц фінансавання, расследаванне з выкарыстаннем дадзеных мабільных прылад, праграміраванне для следчых, крыміналістычная экспертыза аператыўных дадзеных, расследаванні з выкарыстаннем IP-тэлефаніі і сеткі wi-fi і г.д.

Метады навучання будуць уключаць лекцыі, практычныя заняткі, вывучэнне прыкладаў з практыкі, чытанне, працу ў малых групах і індывідуальныя практыкаванні, дэманстрацыі тэхнічных інструментаў, а таксама падрабязныя абмеркаванні.

Па заканчэнні магістэрскай праграмы студэнты ўзмоцняць свае кампетэнцыі, аналітычныя і практычныя навыкі для ажыццяўлення расследаванняў кіберзлачынстваў і камп’ютарнай судовай экспертызы, дзякуючы азнаямленню з пытаннямі, звязанымі з вобыскам, арыштам і канфіскацыяй даходаў ад анлайн-злачыннасці. Дзякуючы таму, што дыстанцыйнае навучанне па магістэрскай праграме будзе адпавядаць самым высокім акадэмічным стандартам, атрыманыя кампетэнцыі і навыкі будуць сертыфікаваны Універсітэцкім каледжам Дубліна, Ірландыя.

Дадзеная дзейнасць арганізавана ў рамках сумеснага праекта Еўрапейскага саюза і Савета Еўропы CyberEast, накіраванага на развіццё кіберўстойлівасці ў краінах Усходняга партнёрства, у супрацоўніцтве з сумесным праектам ЕС і Савета Еўропы iPROCEEDS-2 па выяўленні даходаў ад злачыннай дзейнасці ў сетцы Інтэрнэт і забеспячэнні надзейнасці электронных доказаў у Паўднёва-Усходняй Еўропе і Турцыі.

Прэс-рэліз