Круглы стол у Мінску па лічбавых навыках і працоўных месцах

  • Дата: 13/11/19
  • Падзяліцца:

19 снежня 2019 года ў Мінску ў рамках ініцыятывы EU4Digital будзе арганізаваны круглы стол «Лічбавыя навыкі і працоўныя месцы».

Асноўнай мэтай круглага стала з’яўляецца абмеркаванне неабходнасці кансалідацыі супольнасці, зацікаўленай ў развіцці лічбавых навыкаў і працоўных месцаў у Беларусі, увядзення ў Беларусі даведніка па электронных кампетэнцыях і іншых крокаў, рэкамендаваных прафесійнай супольнасцю для дасягнення чаканых вынікаў у рамках палітыкі УП да і пасля 2020 года ў кантэксце развіцця лічбавых навыкаў. 

«Кааліцыя па лічбавых навыках і працоўных месцах» — гэта шматбаковае партнёрства, мэтай якога з’яўляецца садзейнічанне супрацоўніцтву паміж прадпрыемствамі і пастаўшчыкамі адукацыйных паслуг, а таксама дзяржаўнымі і прыватнымі суб’ектамі для вырашэння праблемы недахопу лічбавых навыкаў у Еўропе. У цяперашні час ужо створана 23 Нацыянальныя кааліцыі ў ЕС і дзве ў рэгіёне Усходняга партнёрства (Арменія і Украіна).

Галоўным вынікам круглага стала стане агульнае разуменне неабходнасці стварэння ў Беларусі Кааліцыі па лічбавых навыках і працоўных месцах. Семінар накіраваны на выяўленне асноўных бакоў, зацікаўленых ва ўдзеле ў кааліцыі, а таксама на абмен перадавым вопытам ЕС па стварэнні і ўкараненні кааліцый па лічбавых навыках і працоўных месцах з беларускім урадам, універсітэтамі, НДА і іншымі зацікаўленымі бакамі.

Праз ініцыятыву EU4Digital Еўрапейскі саюз падтрымлівае рэалізацыю стратэгій лічбавых навыкаў у краінах Усходняга партнёрства для стварэння нацыянальных аб’яднанняў прафесіяналаў у лічбавай сферы і рамак кампетэнцый для малога бізнеса.

EU4Digital eSkills