Акселератар eCommerce у межах тэматычнай вобласці Электронны гандаль праекта EU4Digital прадастаўляе кожнай Усходняй краіне-партнёру навейшыя рэкамендацыі і планы дзеянняў для гарманізацыі прыярытэтных напрамкаў электроннай камерцыі з ЕС. Ён таксама тэсціруе рашэнні, якія могуць павялічыць колькасць трансгранічных аперацый з ЕС у сферы электроннай камерцыі, прадастаўляючы Усходнім краінам-партнёрам індывідуальныя рэкамендацыі, навучанне і кансультацыі на ўзроўні дзяржаў і прадпрыемстваў.

Яго дзейнасць уключае тэставанне «нацыянальнага акаўнта-павільёна» для развіцця трансгранічнай электроннай камерцыі паміж малымі і сярэднімі прадпрыемствамі (МСП). Дзякуючы стварэнню нацыянальных акаўнтаў, што належаць дзяржавам, на абраных электронных гандлёвых пляцоўках ЕС, МСП з Арменіі і Украіны могуць карыстацца гэтымі акаўнтамі без дадатковай рэгістрацыі, прадастаўлення дакументаў і выканання іншых патрабаванняў гандлёвых пляцовак. Гэта дазволіць ім прадстаўляць і прадаваць сваю прадукцыю ў ЕС, што падразумявае доступ да міжнароднай базы кліентаў і пашырэнне бізнесу за межы дзяржаўных граніц. Гэтая ініцыятыва дае МСП з краін-удзельніц магчымасць паспрабаваць прадаваць сваю прадукцыю на рынку ЕС, павялічыць аб’ём экспарту і тэарэтычна стварыць базу, каб працягваць ажыццяўляць праект у сваіх краінах.

Больш таго, каманда спецыялістаў кансультацыйнага цэнтра акселератара eCommerce праводзіць групавыя заняткі і індывідуальныя кансультацыі для абраных МСП з Усходніх краін-партнёраў. Гэта дазваляе ім пачаць продажы на абраных еўрапейскіх гандлёвых пляцоўках самастойна, без акаўнта-павільёна. Каб павялічыць колькасць МСП, што займаюцца электроннай камерцыяй, EU4Digital таксама даследуе магчымасці забеспячэння павышэння кваліфікацыі на асноўных гандлёвых пляцоўках ЕС з выкарыстаннем тэхналогій электроннага навучання. Канчатковая мэта – гэта доўгатэрміновае ўздзеянне на развіццё экасістэмы электроннай камерцыі ў рэгіёне Усходняга партнёрства.