Home / Stay Informed /
Што робіць EU4Digital ў галіне інавацый у сферы ІКТ?
Date: 24/04/20
У галіне Інавацый у сферы ІКТ EU4Digital працуе ў пяці кірунках:
- Садзейнічанне распрацоўцы спрыяльнай заканадаўчай базы ў рэгіёне Усходняга суседства, якая будзе стымуляваць інавацыі ў сферы ІКТ, з улікам метадаў і перадавога досведу ЕС. Падчас Фазы I гэтая праца была выканана ў пяці прыярытэтных для Усходніх краін-партнёраў абласцях палітыкі і ўключала палітычныя рэкамендацыі і планы дзеянняў для зацікаўленых бакоў з кожнай краіны. Падчас Фазы II мы распрацоўваем палітычныя рэкамендацыі, якія дазволяць выкарыстоўваць пэўныя найноўшыя тэхналогіі (напрыклад, Еўрапейскую прававую базу, што рэгулюе ШІ) у рэгіёне ў адпаведнасці з палітыкай ЕС.
- Садзейнічанне наладжванню сувязей паміж дзеячамі інавацыйных экасістэм ў рэгіёне і з ключавымі сеткамі і арганізацыямі ЕС. Дзеля гэтага праводзяцца мэтавыя мерапрыемствы, навучальныя візіты і Форумы стартапаў і інавацый у дадатак да іншых тэматычных мерапрыемстваў у галіне інавацый у сферы ІКТ.
- Прасоўванне Платформы для экасістэмы стартапаў УП, каб зацікаўленыя бакі з Усходняга партнёрства, а таксама інвестары з ЕС часцей карысталіся ёю.
- Правядзенне рэкламных кампаній ва Усходніх краінах-партнёрах для павышэння інфармаванасці наконт важнасці інавацый у сферы ІКТ і прыцягнення большай колькасці жанчын у гэтую сферу.
- Падчас Фазы I EU4Digital правёў «Аналіз рынку для Ініцыятывы ў галіне лічбавых інавацый і скейлапаў (DISC) ва Усходніх краінах-партнёрах». EU4Digital таксама распрацаваў кіраўніцтва па развіцці прадпрымальніцкай экасістэмы ў сферы ІКТ, уключаючы ацэнку сучаснага стану і рэкамендацыі для кожнай з краін. Выяўленыя падчас Фазы I прабелы безупынна і глыбока даследуюцца падчас Фазы II, каб дакладна вызначыць, што зніжае эфектыўнасць экасістэмы. Завяршыўшы падрыхтоўку падрабязных рэкамендацый для павышэння патэнцыялу высокаэфектыўных праграм інкубацыі, праект EU4Digital садзейнічае запуску асобай рэгіянальнай праграмы, накіраванай на ліквідацыю прабелаў у вобласці падтрымкі інкубацыі. EU4Digital таксама распрацуе агульную базу і падрыхтуе рэкамендацыі па развіцці інавацыйных кластараў ва Усходніх краінах-партнёрах.
- Інавацыі ў сферы ІКТ