Што такое eCustoms і якія яны даюць перавагі?

Пад eCustoms разумеецца аўтаматычны абмен мытнай інфармацыяй паміж рознымі эканамічнымі суб’ектамі і мытнымі органамі.

Затрымкі пры перасоўванні тавараў праз межы і падчас мытнага кантролю часта здараюцца з-за праблем з аўтаматызацыяй і камунікацыяй, у выніку чаго канчатковы пакупнік атрымлівае свой тавар з затрымкай. Пілотны праект eCustoms у межах тэматычнай вобласці Электронны гандаль праекта EU4Digital займаецца рашэннем гэтых праблем, прапануючы мадэлі супрацоўніцтва, эфектыўнага абмену інфармацыяй і аптымізаванага ўзаемадзеяння з мытнымі службамі, што скарачаюць выдаткі на гандлёвыя аперацыі і час дастаўкі. 

Праект EU4Digital абраў рашэнне SEED (Сістэматычны абмен электроннымі данымі) як найбольш зручнае для пілотнага праекта eCustoms. Рашэнне SEED, якое фінансуецца ЕС, паспяхова выкарыстоўваецца ў рэгіёне і якое даказала сваю надзейнасць, прапануе стандарты даных, лёгкую адаптацыю да нацыянальных сістэм і гнуткія патрабаванні да функцыянальнасці і абмену данымі. Яно дазволіла эфектыўна вырашыць такія праблемы, як заніжэнне кошту, падробленае пацвярджэнне выезду, неадпаведнасці ў транспартных дакументах і мытныя правапарушэнні.

Мэта пілотнага праекта eCustoms – забяспечыць электронны абмен мытнымі данымі паміж Усходнімі краінамі-партнёрамі і дзяржавамі-членамі ЕС. Ён пачаў працаваць з абмежаванымі функцыянальнымі магчымасцямі і наборамі даных. Паспяховае ажыццяўленне пілотнага праекта eCustoms паміж Украінай і Румыніяй дазволіла ўдасканаліць працэсы абмену мытнай інфармацыяй, мытнае афармленне, ацэнку рызыкі і трансгранічнае супрацоўніцтва. Кіраўніцтва па поўнамаштабнаму ўкараненню рашэння і яго паўтарэнню ў іншых краінах рэгіёна будзе падрыхтавана па заканчэнні пілотнага праекта.