Усходнія партнёры абавязаліся канчаткова аформіць пагадненні аб роўмінгу і спектры да снежня

  • Дата: 24/09/21
  • Падзяліцца:

Прадстаўнікі шасці Усходніх краін-партнёраў выказалі гатоўнасць прыняць усе неабходныя меры на дзяржаўным узроўні, каб падрыхтаваць як Рэгіянальнае пагадненне аб роўмінгу, так і Рэгіянальнае пагадненне аб спектры да падпісання ў снежні 2021 года. 

Абяцанне наконт двух пагадненняў было дадзенае на сходзе для зацікаўленых бакоў, якое арганізавала сетка рэгулятараў тэлекамунікацый Усходняга партнёрства EaPeReg 23 верасня і дзе прысутнічалі арганізацыі дадзенай галіны з шасці краін-партнёраў.

Абодва пагадненні з’яўляюцца ключавымі задачамі ініцыятывы EU4Digital. Чакаецца, што Рэгіянальнае пагадненне аб роўмінгу дазволіць знізіць цэны на роўмінг ва Усходніх краінах-партнёрах амаль на 90% цягам пяці гадоў, а агульны станоўчы эфект складзе 4,6 млн еўра. Дзякуючы Рэгіянальнаму пагадненню аб спектры атрымаецца ўпарадкаваць асноўныя дыяпазоны частот для развіцця тэхналогіі 5G у рэгіёне Усходняга партнёрства, што дазволіць хутчэй перайсці да тэхналогій высокахуткаснай мабільнай сувязі ў краінах-партнёрах.

Сход для зацікаўленых бакоў наведалі 84 удзельнікі, якія прадстаўлялі арганізацыі з Усходніх краін-партнёраў, дзяржавы-члены ЕС і Еўрапейскую камісію. 

Удзельнікі таксама атрымалі актуальную інфармацыю аб працы над рэгулятыўным кіраваннем. Праца ў гэтым напрамку ў межах праекта EU4Digital завяршыцца падрыхтоўкай законапраектаў для кожнай з краін-партнёраў. Гэта дазволіць павысіць патэнцыял нацыянальных рэгулятыўных органаў, будзе садзейнічаць выкананню Пагадненняў аб роўмінгу і спектры, узмацненню канкурэнцыі на рынку электронных камунікацый і абароне правоў спажыўцоў.


Навіны

Паглядзець усё