Электронная ахова здароўя: курс на інавацыі для актыўнага і здаровага старэння

22 верасня прадстаўнікі напрамку электроннай аховы здароўя праекта EU4Digital арганізавалі віртуальнае мерапрыемства, прысвечанае інавацыям у сферы электроннай аховы здароўя, якія садзейнічаюць актыўнаму і здароваму старэнню. Мерапрыемства праводзілася для абмену вопытам і развіцця міжнароднага супрацоўніцтва. Гэта чацвёртае віртуальнае мерапрыемства з серыі запланаваных на гэты год мерапрыемстваў для развіцця супрацоўніцтва ў дадзенай сферы. Яго мэтай было сабраць членаў Сеткі электроннай аховы здароўя з шасці Усходніх краін-партнёраў, каб паведаміць пра магчымасці для міжнароднага супрацоўніцтва і падзяліцца перадавым вопытам.

У першай частцы мерапрыемства каманда EU4Digital па электроннай ахове здароўя паведаміла членам Сеткі пра мерапрыемствы ў сферы электроннай аховы здароўя, якія яшчэ адбудуцца ў 2021 годзе (распрацоўка стратэгіі і кантроль за выкананнем рэкамендацый па гарманізацыі ў сферы электроннай аховы здароўя). Услед за гэтым каманда EU4Digital па электроннай ахове здароўя зрабіла агляд галоўных дасягненняў Сеткі электроннай аховы здароўя ў справе развіцця супрацоўніцтва за час існавання праекта EU4Digital.

У другой частцы мерапрыемства запрошаны спікер з Эстоніі, Пірэт Хірв, галава аддзела медыцынскіх тэхналогій і кіраўніца кластара па інтэрнэт-медыцыне, прадставіла Сетцы кансорцыум Інавацыйных сетак па актыўным і здаровым старэнні (IN-4-AHA), які на дадзены момант займаецца прасоўваннем ідэі актыўнага і здаровага старэння праз міжнароднае супрацоўніцтва. Спікер распавяла пра мэты, дзейнасць і ўплыў IN-4-AHA, а таксама пра тое, як ён актыўна садзейнічае распаўсюджванню інавацый.

У трэцяй частцы мерапрыемства запрошаны спікер з Італіі, д-р Сіманета Скальвіні, галава аддзялення кардыялагічнай рэабілітацыі і аддзялення бесперапыннай медыцынскай дапамогі раённай бальніцы, пагаварыла пра тэлемедыцыну як сродак для комплекснага догляду за пацыентамі з хранічнымі захворваннямі ў рэальных умовах. Спікер пазнаёміла членаў Сеткі з вынікамі даследаванняў эфектыўнасці рашэнняў лічбавай медыцыны, уключаючы аддаленае аказанне медыцынскіх паслуг пры дапамозе тэлемедыцыны падчас пандэміі COVID-19 і пасля яе.

Напрыканцы мерапрыемства выступілі запрошаныя спікеры з Шатландыі: Дона Хендэрсан, галава аддзела міжнароднага супрацоўніцтва і прэзідэнт Еўрапейскай асацыяцыі тэлематыкі ў галіне аховы здароўя (EHTEL), Марк Бесвік, вядучы спецыяліст краіны сеткі шатландскага ўрада Near Me і Размары Купер, вядучы спецыяліст краіны па пытаннях паляпшэння сеткі Near Me. Яны распавялі пра сэрвіс відэакансультацый Near Me. Спікеры паведамілі пра ўсе асаблівасці Near Me: з чаго пачаць, як падрыхтаваць персанал, які ўплыў гэта мае на грамадзян і якія вынікі ўдалося зрабіць. Мерапрыемства завяршылася некалькімі станоўчымі заўвагамі ад прадстаўнікоў Сеткі, якія падзяліліся сваімі поглядамі на інавацыйныя практыкі ў сферы электроннай аховы здароўя ў рэгіёне УП.

Даведацца больш

IN4AHA – стымуляванне інавацый, што садзейнічаюць актыўнаму і здароваму старэнню, кантактная інфармацыя:

• https://innovation4ageing.tehnopol.ee/
• https://twitter.com/EIP_AHA
• https://www.linkedin.com/groups/8912125/
• https://www.facebook.com/IN4AHA

Відэакансультацыі Near Me для распаўсюджвання перадавога вопыту, кантактная інфармацыя:

• https://www.attendanywhere.com/
• https://tec.scot/programme-areas/near-me
• https://www.nearme.scot/

Лічбавая медыцынская дапамога для прафілактыкі сардэчна-сасудзістых захворванняў: сістэматычны агляд і метааналіз (спасылка на публікацыю):https://www.mayoclinicproceedings.org/article/S0025-6196(15)00073-7/fulltext