Сетка электроннага гандлю EU4Digital правядзе анлайн-семінар, на якім адбудзецца перагляд пілотных праектаў і мэт да 2025 года;

9-ы семінар Сеткі электроннага гандлю пройдзе з 9 па 10 снежня. У сувязі з пандэміяй COVID-19 семінар будзе арганізаваны ў аддаленым рэжыме.

На мерапрыемстве будзе абмяркоўвацца шырокае кола тэм, звязаных з электронным гандлем, у тым ліку:

• Перагляд і абнаўленне Плана дзеянняў Сеткі электроннага гандлю з улікам прапаноў і пазіцыі Усходніх краін-партнёраў адносна мэт на 2020-2025гг.; 
• Аптымізацыя дзейнасці працоўных груп (ПГ) Сеткі праз абранне старшынь ПГ і абмеркаванні плана супрацоўніцтва ПГ у галіне электроннага гандлю на 2021 год;
• Прадстаўленне актуальнага стану, вынікаў, дасягнутых Праектам EU4Digital, і графіка наступных мерапрыемстваў у рамках праектаў eDelivery (электронная дастаўка), eCustoms (электронная мытня), eCommerce (электронная камерцыя), ЛТК (лічбавы транспартны калідор), а таксама дзейнасці Сеткі;
• Дэманстрацыя пілотных праектаў eDelivery і eCustoms, а таксама пілотнай канцэпцыі праекта eCommerce; 
• Ажыццяўленне пілотнага праекта ЛТК паміж Балтыйскім і Чорным морам, уключаючы графік і магчымыя спосабы запуску праграмы.

Удзельнікі збяруцца на двухдзённы семінар і абмяняюцца ведамі і вопытам у пытаннях, звязаных з электронным гандлем. Сярод удзельнікаў будуць:

• Прадстаўнікі Еўрапейскай камісіі;
• Прадстаўнікі краін-удзельніц Сеткі электроннага гандлю;
• Каардынатары Гарманізаванага лічбавага рынку (HDM) з Усходніх краін-партнёраў;
• Спецыялісты ў галіне электроннага гандлю Форума грамадзянскай супольнасці;
• Старшыя спецыялісты Праекта EU4Digital;
• Каардынатары Праекта EU4Digital з Усходніх краін-партнёраў.

Запрошаныя спікеры з Еўрапейскай камісіі (Генеральны дырэктарат па мабільнасці і транспарце (DG MOVE) і іншыя спецыялісты таксама выступяць на наступныя тэмы:

• Рэгуляванне лічбавых грузаперавозак і наступныя дзеянні ЕС;
• Лічбавізацыя транспартных калідораў Транс’еўрапейскай транспартнай сеткі;
• Інтэграванае кіраванне межамі;
• Змены, якія адбудуцца ў Еўрапейскім саюзе ў 2021 годзе (падаткі і мытныя пошліны), і наступныя дзеянні ЕС.

Зарэгістравацца для ўдзелу ў мерапрыемстве можна да 4 снежня па спасылцы. Дадатковую інфармацыю аб мерапрыемстве і падрабязную праграму можна знайсці тут.

Інфармацыя

Апошні тэрмін рэгістрацыі: 04/12/20

Месца: Online