Другое мерапрыемства для наладжвання дзелавых сувязей EU4Digital у сферы інавацый у галіне ІКТ

  • Дата: 08/10/20 па 08/10/20
  • Падзяліцца:

Ініцыятыва EU4Digital правядзе другое мерапрыемства для наладжвання дзелавых сувязей у сферы інавацый у галіне ІКТ паралельна са штогадовай Сустрэчай кіруючага камітэта. Яно пройдзе ў аддаленым рэжыме ў фармаце віртуальнай сесіі.   

Мерапрыемства засяродзіць увагу на тэме інтэграцыі бізнес-анёлаў і венчурнага капіталу (фізічных асоб і асацыяцый) у еўрапейскія і міжнародныя сеткі, а таксама на нарошчванні патэнцыялу для пашырэння доступу МСП лічбавай галіны да фінансавання ў рэгіёне Усходняга партнёрства.

Да ўдзелу ў мерапрыемстве было запрошана цэлае кола дзелавых і краўдфандынгавых сетак, а таксама сетак бізнес-анёлаў. Яны прэзентуюць свае цэнасныя прапановы, планы і бачанне магчымага супрацоўніцтва ў рэгіёне УП. Такім чынам, мерапрыемства будзе імкнуцца дапамагчы інтэграваць арганізацыі з усходніх краін-партнёраў у сеткі і платформы ЕС, што павінна прывесці да стварэння партнёрстваў дзелавых сетак і асацыяцый у рэгіёне з іх еўрапейскімі калегамі, а таксама да нарошчвання патэнцыялу сярод гульцоў у дадзенай галіне.

Мерапрыемства будзе складацца з розных сесій, якія будуць прысвечаны некалькім аспектам праблемы доступу да фінансавання:

  • Наладжванне сувязей у экасістэмах, якія падтрымліваюць інавацыі і бізнес
  • Наладжванне сувязей паміж асацыяцыямі бізнес-анёлаў і венчурнага капіталу
  • Наладжванне сувязей паміж краўдфандынгавымі экасістэмамі

Падчас сесій пройдуць прэзентацыі ключавых удзельнікаў з ЕС у дадзенай галіне, пасяджэнні ў форме «Пытанне-адказ», а таксама абмеркаванні магчымага супрацоўніцтва на чале з наступнымі арганізацыямі:

  • Еўрапейская сетка бізнес-інавацыйных цэнтраў (EBN)
  • Еўрапейская сетка бізнес-анёлаў (EBAN)
  • Бізнес-анёлы Еўропы (BAE)
  • Еўрапейская краўдфандынгавая сетка (ECN)

Спіс спікераў і мадэратараў, якія будуць праводзіць розныя сесіі мерапрыемства:

  • Ганна Побаль, кіраўнік праекта EU4Digital у галіне ІКТ-інавацый
  • Хесус Лазана, стратэгічны дараднік па пытаннях ІКТ Еўрапейскага інавацыйнага савета і генеральны дырэктар IT Entrepreneur
  • Давід Улір, прэзідэнт Еўрапейскай сеткі бізнес-інавацыйных цэнтраў (EBN) і дырэктар па стратэгічных пытаннях Паўднёва-Мараўскага інавацыйнага цэнтра
  • Лука Маіні, спецыяліст па пытаннях якасці і даследаванняў Еўрапейскай сеткі бізнес-інавацыйных цэнтраў (EBN)
  • Іна Пятрэнка, кансультант Офіса развіцця МСП (ОРМСП), Украіна
  • Якапа Лоса, дырэктар сакратарыята Еўрапейскай сеткі бізнес-анёлаў (EBAN)
  • Ян Дзебетс, кіраўнік аперацыйнага аддзела Бізнес-анёлаў Еўропы (BAE)
  • Олівер Гайда, выканаўчы дырэктар Еўрапейскай краўдфандынгавай сеткі (ECN)
  • Атар Гаргодзе, кіраўнік фінансавага аддзела і аддзела кіравання тэхналагічным развіццём Нацыянальнага банка Грузіі

Падрабязную праграму, а таксама дадатковую інфармацыю можна знайсці тут.

Мерапрыемствы для наладжвання дзелавых сувязей у сферы інавацый у галіне ІКТ Мэта мерапрыемстваў для наладжвання сувязей у сферы інавацый у галіне ІКТ – садзейнічаць стварэнню супольнасцей УП у абраных напрамках палітыкі ў галіне ІКТ. Акрамя стварэння сетак у рэгіёне, яны накіраваны на ўсталяванне двухбаковых і шматбаковых сувязей паміж арганізацыямі з усходніх краін-партнёраў і зацікаўленымі бакамі з ЕС для ажыццяўлення далейшай сумеснай дзейнасці і праектаў. Усе гэтыя намаганні накіраваны на агульнае паглыбленне ведаў і разумення адпаведнага перадавога вопыту ЕС зацікаўленымі бакамі ў рэгіёне. Зыходзячы з вышэйпададзенага, гэта серыя мерапрыемстваў накіравана на шырокую аўдыторыю, у тым ліку на прадстаўнікоў узроўню міністэрства і на органы, асацыяцыі і сеткі, якія дзейнічаюць у адпаведных напрамках палітыкі, інфраструктурныя арганізацыі ў галіне ІКТ, а таксама на іншых гульцоў інавацыйных сістэм у галіне ІКТ.

Падзеі

Паглядзець усё