EU4Digital публікуе рэкамендацыі па вымярэнні і прагназаванні разрываў у лічбавых навыках ва Усходніх краінах-партнёрах

  • Дата: 20/11/20
  • Падзяліцца:

Праект EU4Digital апублікаваў «Метадалогію вымярэння і прагназавання разрываў у лічбавых навыках ва Усходніх краінах-партнёрах». Метадалогія змяшчае сціслы агляд існых спосабаў вымярэння разрываў у лічбавых навыках і іх прагназавання ва Усходніх краінах-партнёрах, а таксама рэкамендацыі па ўкараненні агульнай метадалогіі вымярэння і прагназавання, якая адпавядае той, што выкарыстоўваецца ў ЕС. 

Лічбавыя навыкі неабходныя не толькі спецыялістам у галіне ІКТ і кампаніям, якія праходзяць лічбавую трансфармацыю. Яны хутка становяцца жыццёва важнымі для прадукцыйнага ўдзелу кожнага грамадзяніна ў лічбавай эканоміцы і грамадстве. У сваёй ініцыятыве 2016 года «Шляхі павышэння кваліфікацыі: Новыя магчымасці для дарослых» Савет Еўрапейскага саюза заявіў, што лічбавыя кампетэнцыі з’яўляюцца такімі ж важнымі, як пісьменнасць і матэматычная граматнасць.  Нястача лічбавай граматнасці і навыкаў для многіх людзей можа быць істотным затрымліваючым фактарам, які абмяжоўвае і/або нават спыняе рост прадукцыйнасці, магчымы за кошт укаранення ІКТ. 

Тым не менш, павышэнне лічбавай граматнасці і пераадоленне разрываў у лічбавых навыках пачынаюцца з вызначэння праблемы.   Вымярэнне лічбавых навыкаў з’яўляецца ключавым элементам заснаванага на доказах вызначэння разрываў у лічбавых навыках і мэтавага планавання ініцыятыў для павышэння лічбавых кампетэнцый.  Вымярэнне таксама можа служыць для сачэння за прагрэсам ў выкананні задач у сферы лічбавых навыкаў. 

У ЕС Індэкс лічбавай эканомікі і грамадства (DESI) выкарыстоўваецца для маніторынгу вынікаў, дасягнутых дзяржавамі-членамі ЕС у галіне лічбавай сувязі, навыкаў, анлайн-дзейнасці, лічбавізацыі бізнесу і лічбавых дзяржаўных паслуг. З 2014 года індэкс DESI вымярае тое, наколькі пэўная краіна ЕС прасунулася ў бок лічбавай эканомікі і грамадства, звяртаючы ўвагу ў тым ліку і на людскі капітал. Пры вымярэнні людскога капіталу індэкс DESI улічвае навыкі, што патрабуюцца для выкарыстання магчымасцей, якія забяспечваюцца лічбавымі рашэннямі. Акрамя таго, некаторыя паказальнікі ІКТ, якія датычацца працоўных рэсурсаў і адукацыі, рэгулярна вымяраюцца ў ЕС, што служыць крыніцай дадатковых даных аб лічбавых навыках.   Узгодненае вымярэнне даных дазваляе параўноўваць вынікі дзяржаў-членаў ЕС паміж сабой і вызначаць разрывы ў навыках, а таксама ацэньваць уплыў рэгіянальных і дзяржаўных ініцыятыў. 

Мэтай Праекта EU4Digital была ацэнка таго, як ажыццяўляецца вымярэнне і прагназаванне ў дадзены момант, а таксама распрацоўка рэкамендацый для прывядзення гэтых практык у адпаведнасць з тымі, што ўжываюцца ў ЕС.  Апублікаваная Метадалогія змяшчае набор рэгіянальных рэкамендацый для ўдасканалення працэсу збору даных і прагназавання ва Усходніх краінах-партнёрах.   

У заключнай частцы Метадалогіі гаворыцца, што ўсе Усходнія краіны-партнёры збіраюць пэўную колькасць даных аб лічбавых навыках, а таксама што яны выказалі інтарэс у далейшым прывядзенні ў адпаведнасць спосабаў вымярэння і прагназавання з метадалогіямі ЕС.   Далейшае распаўсюджванне набору паказальнікаў і павышэнне супастаўнасці паміж краінамі могуць аказаць яшчэ больш істотны ўплыў на развіццё параўнальнага аналізу з іншымі краінамі ў рэгіёне

Усходняга партнёрства. Супастаўнасць будзе дасягнутая праз прывядзенне ў адпаведнасць метадаў збору даных, у тым ліку адбор узораў, распрацоўку сацыялагічных апытанняў і класіфікацыю даных.

Акрамя таго, прагназаванне патрэбнасцей у лічбавых навыках у рэгіёне ажыццяўляецца ў разнастайных формах, у тым ліку ў выглядзе сацыялагічных апытанняў аб навыках, агульнага прагназавання змен у працоўных рэсурсах, а таксама пры дапамозе якасных метадаў, такіх як працоўныя групы экспертаў.   Тым не менш, на дадзены момант не праводзіцца ацэнка будучых патрэбнасцей у лічбавых навыках на рэгіянальным узроўні або з выкарыстаннем агульнага падыходу, што магло б дапамагчы атрымаць карысную інфармацыю для паляпшэння рэагавання сістэмы адукацыі на ўсё большую патрэбнасць у розных тыпах і ўзроўнях лічбавых кампетэнцый.  

Аднак, даклад таксама вызначае шэраг патрабаванняў, такіх як нарошчванне патэнцыялу персаналу, што займаецца зборам даных і аналізам, якія неабходна выканаць, перш чым агульная метадалогія зможа быць выкарыстаная ва Усходніх краінах-партнёрах.  Акрамя таго, для правядзення агульнанацыянальных сацыялагічных апытанняў, аналізу даных і прагназавання неабходна мець дастатковыя рэсурсы. 

Апублікаваны даклад можна знайсці тут.


Навіны

Паглядзець усё