У Беларусі плануецца стварыць пяць новых тэхнапаркаў — у Баранавічах, Барысаве, Бабруйску, Оршы і Маладзечне, паведаміў старшыня Дзяржаўнага камітэта па навуцы і тэхналогіях Аляксандр Шумілін.

У цяперашні час у Беларусі дзейнічае 16 тэхнапаркаў і дзевяць цэнтраў трансферу тэхналогій, а за апошні год у тэхнапарках створана больш за 500 новых працоўных месцаў. Агульная колькасць працаўнікоў перавышае 2500 чалавек.

У 2021 годзе будзе створаны новы Нацыянальны дзіцячы тэхнапарк. Ён будзе працаваць круглы год, але асноўныя праграмы будуць ахопліваць перыяд з верасня па чэрвень.

У склад Нацыянальнага дзіцячага тэхнапарка ўвойдзе 15 інавацыйных лабараторый у галіне робататэхнікі, аэракасмічнай прамысловасці, зялёнай хіміі, інжынернай экалогіі і біялогіі.

Навіна