Інавацыі ў галіне ІКТ і экасістэмы стартапаў ва Усходнім партнёрстве: прагрэс і перспектывы ў цэнтры ўвагі на сустрэчы EU4Digital
Дата: 14/10/20
Прагрэс і планы на будучыню ў сферы інавацый у галіне ІКТ і экасістэм стартапаў былі прадстаўлены на тэматычным пасяджэнні, арганізаваным Праектам EU4Digital 8 кастрычніка 2020 года ў рамках штогадовай Сустрэчы Кіруючага камітэта, якая прайшла ў віртуальным фармаце з 5 па 9 кастрычніка.
Больш за 30 удзельнікаў далучыліся да пасяджэння, у тым ліку члены Еўрапейскай камісіі, каардынатары Гарманізаванага лічбавага рынку (HDM), Прадстаўніцтва ЕС і спецыялісты Сеткі па інавацыях у галіне ІКТ з Усходніх краін-партнёраў.
Пасяджэнне пачалося з выступлення кіраўніка праекта EU4Digital па інавацыях у галіне ІКТ Ганны Побаль і намесніка кіраўніка праекта Руты Сальвітэ-Тамасюньене, якія зрабілі агляд стану спраў, вынікаў і важных аспектаў, што датычацца дзейнасці ў сферы інавацый у галіне ІКТ.
Адбылася прэзентацыя аднаго з ключавых дасягненняў дзейнасці ў сферы інавацый у галіне ІКТ – Рэкамендацый па палітыцы і планаў дзеянняў у сферы экасістэм ІКТ, распрацаваных і ўзгодненых з больш чым 100 мясцовымі зацікаўленымі бакамі. Зацікаўленыя бакі пацвердзілі свае намеры ажыццяўляць неабходную дзейнасць, а таксама былі вызначаны арганізацыі-каардынатары. Планы дзеянняў задалі аснову для ажыццяўлення ініцыятыў праз праекты з дзяржаўным ці еўрапейскім фінансаваннем у кожнай з Усходніх краін-партнёраў. Гэтыя дакументы цяпер даступны анлайн у бібліятэцы EU4Digital.
У рамках дзейнасці па ажыццяўленні рэкамендацый па палітыцы было праведзена даследаванне мэтазгоднасці лічбавых стартапаў і скейлапаў. На аснове вынікаў даследавання мэтазгоднасці пачалося планаванне пілотнай праграмы фінансавай падтрымкі Ініцыятывы ў галіне лічбавых інавацый і скейлапаў (DISC), мэтай якой з’яўляецца запуск новага фонду фінансавання тэхналагічных стартапаў на розных этапах росту ў наступныя гады. Патрэбы, звязаныя з развіццём экасістэмы, будуць задаволены паралельна з запускам механізма фінансавання DISC, дзякуючы падрыхтоўцы спецыяльнага даведніка з рэкамендацыямі па нарошчванні патэнцыялу для Усходніх краін-партнёраў.
На аснове распрацаванага плана па наладжванні дзелавых сувязей для Усходніх краін-партнёраў была абрана галоўная тэма віртуальных мерапрыемстваў для наладжвання сувязей. Другое мерапрыемства для наладжвання сувязей у сферы інавацый у галіне ІКТ па тэме «Інтэграцыя бізнес-анёлаў і венчурнага капіталу ў еўрапейскія і сусветныя сеткі» адбылося ў той жа дзень. Плануецца правесці яшчэ чатыры мерапрыемствы для наладжвання сувязей, звязаных з абранымі напрамкамі палітыкі.
У верасні 2020 года Праектам EU4Digital былі заснаваны партнёрствы з мясцовымі арганізацыямі, якія падтрымліваюць жанчын у галіне тэхналогій, з мэтай распрацоўкі рэгіянальнага кіраўніцтва і планаў дзеянняў на дзяржаўным узроўні для ажыццяўлення ментарскіх праграм для жанчын у галіне тэхналогій. Жаданым вынікам будзе перайманне
мясцовымі партнёрамі ініцыятывы і запуск новых праграм у наступныя гады.
Акрамя таго, у наступны год плануецца стварыць форум па каардынацыі дзяржаўнай палітыкі, які павінен стаць штогадовым мерапрыемствам і збіраць разам асоб, якія вызначаюць палітыку, стартапы і скейлапы, а таксама другіх дзеячаў экасістэм ІКТ з УП і ЕС.
Пасля прэзентацыі з заўвагамі і каментарыямі выступіў каардынатар Сеткі спецыялістаў па інавацыях у галіне ІКТ і экасістэмах стартапаў Рашад Азізаў, які таксама з’яўляецца галавой Аддзела інавацыйнага развіцця інфармацыйнага грамадства і электроннага кіравання Міністэрства транспарту, сувязі і высокіх тэхналогій Рэспублікі Азербайджан. Спадар Азізаў звярнуў увагу на тое, што ўзмоцненая Сетка па інавацыях у галіне ІКТ і звязаныя адзін з адным дзеячы інавацыйнай экасістэмы ў галіне ІКТ на мясцовым і рэгіянальным узроўні з’яўляюцца ключавымі элементамі, неабходнымі для ажыццяўлення планаў дзейнасці.
Мерапрыемства завяршылася калектыўным абмеркаваннем стану спраў і планаў на будучыню. Зацікаўленыя бакі падкрэслілі актуальнасць планаў дзеянняў па ажыццяўленні палітыкі. Каб дабіцца больш шырокага ўплыву, чакаецца, што ЕС акажа падтрымку ў абраных напрамках палітыкі. Апрача таго, былі абмеркаваны іншыя прыярытэтныя задачы для рэгіёна: неабходнасць лічбавізацыі традыцыйных МСП і доступу лічбавых стартапаў і скейлапаў да фінансавання. Рэгіён пацвердзіў неабходнасць запланаванага запуску механізма фінансавання стартапаў і падрыхтаванасць да яго. Агульныя прыярытэтныя задачы застануцца ключавымі напрамкамі дзейнасці ў тэматычнай вобласці ІКТ на наступны перыяд.
Дадатковая інфармацыя Тэматычныя пасяджэнні былі арганізаваны ў рамках штогадовай Сустрэчы Кіруючага камітэта ініцыятывы EU4Digital для абмеркавання выкананых дзеянняў, вынікаў і планаў на будучыню. Падпісвайцеся на інфармацыйную рассылку, каб заўсёды заставацца ў курсе.
Мы выкарыстоўваем cookie-файлы на гэтым сайце, каб зрабіць яго больш прыдатным для Вас, а таксама для спрашчэння навігацыі па сайце і для аналізу таго, як ён выкарыстоўваецца. Націскаючы на кнопку "Дазволіць усе cookie-файлы", Вы даяце нам згоду на выкарыстанне cookie-файлаў.
Даведацца больш аб тым, якія cookie-файлы мы выкарыстоўваем, а таксама змяніць наладкі cookie-файлаў Вы можаце ў раздзеле Палітыка выкарыстання cookie-файлаў.
Функцыянальныя cookie-файлы
Функцыянальныя cookie-файлы, якія з'яўляюцца істотнымі для працы сайта. Гэтыя cookie-файлы таксама дапамагаюць нам вымяраць прадукцыйнасць сайта і рабіць яго больш прыдатным для Вас, а таксама запамінаць любыя абраныя Вамі наладкі.
If you disable this cookie, we will not be able to save your preferences. This means that every time you visit this website you will need to enable or disable cookies again.
Рэкламныя/мэтавыя cookie-файлы
Рэкламныя/мэтавыя cookie-файлы, якія мы выкарыстоўваем для адсочвання дзеянняў і сесій карыстальнікаў, каб прапаноўваць больш персаналізаваныя паслугі, і (у выпадку рэкламных cookie-файлаў) якія задаюцца трэцімі бакамі, з якімі мы ажыццяўляем сумесныя рэкламныя кампаніі, і дазваляюць нам паказваць актуальную для Вас рэкламу. Гэтыя cookie-файлы не з'яўляюцца абавязковымі, а карыстальнікі могуць забараніць іх выкарыстанне ў любы момант.