МСЭ і EaPeReg аб’ядноўваюць намаганні, каб узмацніць уплыў ІКТ на ўстойлівае развіццё

  • Дата: 20/05/20
  • Падзяліцца:

Міжнародны саюз электрасувязі (МСЭ) і Сетка рэгулятараў электронных камунікацый Усходняга партнёрства (EaPeReg) падпісалі Мемарандум аб узаемаразуменні для стварэння  базы для супрацоўніцтва на высокім узроўні ў галіне інфармацыйна-камунікацыйных тэхналогій (ІКТ) паміж дзвюма арганізацыямі.

МСЭ – гэта спецыялізаваная ўстанова Арганізацыі Аб’яднаных Нацый у галіне інфармацыйна-камунікацыйных тэхналогій ці ІКТ. EaPeReg  – гэта незалежная платформа Нацыянальных рэгулятыўных органаў для сетак і паслуг электроннай камунікацыі у краінах Усходняга партнёрства (Арменіі, Азербайджане, Беларусі, Грузіі, Малдове і Украіне).

МСЭ і EaPeReg займаюцца рашэннем такіх агульных задач, як стварэнне спрыяльнага асяроддзя для развіцця тэлекамунікацый/ІКТ, садзейнічанне інвестыцыям і інавацыям у галіне інфраструктуры і паслуг ІКТ.

Мэтай Мемарандума з’яўляецца стварэнне ўніверсальнай сеткі для супрацоўніцтва на высокім узроўні ў галіне ІКТ, а таксама ўмоў для развіцця гэтага супрацоўніцтва пры дапамозе:

  • абмену дакладамі, інструкцыямі, перадавым вопытам рэгуляцыі і адпаведнымі тэматычнымі даследаваннямі;
  • удзелу у адпаведных сустрэчах, сярод каторых Глабальны сімпозіум для рэгулятыўных органаў (ГСР), Форумы па рэгіянальнай рэгуляцыі, Рэгіянальныя эканамічныя дыялогі, даследчыя і фокус-групы МСЭ, тэматычныя семінары і сустрэчы рабочых груп экспертаў;
  • ажыццяўлення сумеснай дзейнасці, напрыклад, арганізацыі тэматычных сустрэч, семінараў па нарошчванню патэнцыялу, а таксама абмену ведамі.

Лічбавая трансфармацыя і Мэты ўстойлівага развіцця

Пагадненне таксама будзе спрыяць укараненню Рэгіянальных ініцыятыў МСЭ для Еўропы і СНД, каб стымуляваць ажыццяўленне спрыяльнай палітыкі і нарматыўна-прававога рэгулявання, якія вядуць да ўстойлівага развіцця тэлекамунікацый/ІКТ.

Абмен вопытам і нарошчванне нацыянальнага патэнцыялу, заснаваныя на міжнародным вопыце, таксама могуць спрыяць лічбавай трансфармацыі, якая патрэбна для хутчэйшага дасягнення Мэт устойлівага развіцця ААН.

Сумесная міжгаліновая рэгуляцыя – гэта лепшы і самы хуткі спосаб эфектыўнага правядзення лічбавай трансфармацыі і забеспячэння мэтанакіраванага ўзаемадзеяння і стварэння інклюзіўных лічбавых рынкаў.

Ініцыятыва EU4Digital Еўрапейскага саюза працуе разам з EaPeReg, падтрымліваючы намаганні ў стварэнні агульнай роўмінгавай прасторы сярод краін Усходняга партнёрства да канца 2020 года, каб узмацніць незалежнасць Нацыянальных рэгулятыўных органаў і распрацаваць каардынаваныя стратэгіі для размеркавання частот.

Прэс-рэліз


Навіны

Паглядзець усё