Больш сумесных праектаў у сферы электроннай аховы здароўя, калі ласка! На семінары праекта EaPConnect быў зроблены агляд дасягненняў, задач і патрэбнасцей

  • Дата: 01/02/21
  • Падзяліцца:

Розніца ў лексіцы, тэхналогіі, якія пастаянна мяняюцца, адсутнасць яснасці ў тым, што датычыцца палітыкі, робяць узмоцненую падтрымку сферы электроннай аховы здароўя сеткавымі навукова-адукацыйнымі арганізацыямі чымсці накшталт жывой мішэні. Але гэта тая цэль, якая вартая таго, каб яе дасягаць. Гэта можна ажыццявіць дзякуючы ўзмоцненаму супрацоўніцтву паміж членамі супольнасці. Так лічаць удзельнікі «Стартавай сустрэчы, прысвечанай тэме электроннай аховы здароўя», арганізаванай фінансаванымі ЕС праектамі GÉANT і EaPConnect. Анлайн-мерапрыемства, якое адбылося 27 студзеня 2021 года, было прысвечанае даследаванню агульных інтарэсаў і задач, а таксама засяродзіла ўвагу на ініцыятывах ад розных краін.

Больш за 70 прадстаўнікоў нацыянальных навукова-адукацыйных сетак (ННАС) і іншых арганізацый з усяго свету прынялі ўдзел у сустрэчы. Атрыманая зваротная сувязь прадэманстравала высокую зацікаўленасць у далейшых абмеркаваннях і супрацоўніцтве, напрыклад, праз чарговую сустрэчу ці мерапрыемствы для працоўных груп супольнасці.

Тэлемедыцына

Удзельнікі з Бразіліі і Японіі прадставілі паспяховыя праграмы ў сферы тэлемедыцыны, якія ахопліваюць шэраг галін медыцыны і абапіраюцца на разнастайныя тэхналогіі, паслугі і супрацоўніцтва паміж медыцынскімі спецыялістамі і экспертамі сеткі. Прафесар Сюдзі Сімідзу з Універсітэта Кюсю прыгадаў, як удалося наладзіць стабільную відэасувязь высокай якасці паміж Бразіліяй і Расіяй, як толькі было прынятае рашэнне аб правядзенні ў гэтых краінах Чэмпіянату свету па футболе. Па яго словах, рост узроўню даверу да такіх інструментаў, як Zoom, і павелічэнне частаты іх выкарыстання падчас пандэміі COVID-19 мела станоўчы ўплыў на развіццё тэлемедыцыны.

Стратэгія і бяспека

Ад імя Усходніх краін-партнёраў, на якія накіраваны праект EaPConnect, выступілі прадстаўнікі АІПІ НАН Беларусі і Асацыяцыі навукова-адукацыйных сетак Малдовы RENAM. Яны распавялі аб паляпшэннях, якія спрыяюць спрашчэнню доступу да медыцынскай візуалізацыі і аналізу і, перш за ўсё, паляпшэнню абароны даных і больш дакладнай пастаноўцы дыягназаў. У дакладах аб дзейнасці ў сферы электроннай аховы здароўя ННАС у Аўстраліі, Даніі, Італіі, Польшчы і Вялікабрытаніі паведамлялася аб разнастайных поспехах і важных фактарах: напрыклад, як зрабіць інфраструктуру для аховы здароўя і медыцынскіх даследаванняў часткай стратэгіі ННАС, як такія распрацоўкі, як рух у бок «персаналізаванай медыцыны», уплываюць на патрэбнасці ў падтрымцы, а таксама аб важнасці захавання балансу паміж абаронай медыцынскіх даных і сістэм і доступам да якасных медыцынскіх паслуг.

Задачы

Абарона даных пацыента і сістэм пры медыцынскіх даследаваннях, пастаноўцы дыягназу і лячэнні, тым не менш, з’яўляецца важнай тэмай. Удзельнікі назвалі яе самай важнай вобласцю электроннай аховы здароўя, якой ННАС павінны надаць асаблівую ўвагу пры аказанні падтрымкі. Аднак праблема палітыкі таксама з’яўляецца асобнай вобласцю для далейшай сумеснай працы. Гэта важна як для лепшага разумення палітычных рашэнняў, так і дзеля таго, каб уплываць на іх. Галоўнай цяжкасцю для ННАС ва ўзаемадзеянні з медыцынскімі спецыялістамі з’яўляецца пошук лексікі, якая дазволіла б прыйсці да агульнага разумення асцярогаў, патрэбнасцей і мэт.

Далейшыя крокі

Удзельнікі абмяняліся ідэямі і вопытам дзякуючы групавым абмеркаванням і інтэрактыўнаму анлайн-інструменту. Арганізатары ўлічаць усе атрыманыя даныя падчас падвядзення вынікаў мерапрыемства і прымуць рашэнне аб тым, што рабіць далей.

Дадатковая інфармацыя

Праект EaPConnect фінансуецца Еўрапейскім саюзам у рамках ініцыятывы EU4Digital. EU4Digital садзейнічае развіццю ключавых кампанентаў лічбавай эканомікі і грамадства ў адпаведнасці з нормамі і практыкамі ЕС.  Электронная ахова здароўя з’яўляецца адной з галоўных тэматычных абласцей EU4Digital.

У рамках праекта GÉANT (GN4-3) семінар, прысвечаны тэме электроннай аховы здароўя, дапамаглі арганізаваць каманды, адказныя за адносіны з партнёрамі і ўдзел у даследаваннях.

Праграма, прэзентацыя і іншыя матэрыялы «Стартавага семінара, прысвечанага тэме электроннай аховы здароўя» даступныя анлайн.

Прэс-рэліз праекта EaPConnect


Навіны

Паглядзець усё