Старшынства Партугаліі ў ЕС будзе сканцэнтравана на Лічбавай Еўропе

Узначаліўшы Савет Еўрапейскага саюза, Партугалія вызначыла «лічбавае аднаўленне» ў якасці аднаго з прыярытэтаў свайго шасцімесячнага старшынства. 

Мэтай партугальскага старшынства, якое пройдзе пад дэвізам «Час даваць вынікі: справядлівае, зялёнае і лічбавае аднаўленне», з’яўляецца павышэнне ўстойлівасці Еўропы і ўпэўненасці яе грамадзян у еўрапейскай сацыяльнай мадэлі і садзейнічанне таму, каб Саюз будаваўся на такіх агульных каштоўнасцях, як салідарнасць, узаемадзеянне і згуртаванасць, дзеля аднаўлення пасля бягучага крызісу, выказанага пандэміяй.    

Партугалія будзе імкнуцца да таго, каб кліматычныя і лічбавыя пераўтварэнні ажыццявіліся ў поўным аб’ёме, не абышоўшы нікога бокам, адначасова вырашаючы праблемы, выказаныя пандэміяй у сацыяльнай сферы.

Лічбавая Еўропа – гэта адзін з напрамкаў дзейнасці партугальскага старшынства, мэтай якога з’яўляецца «паскарэнне лічбавай трансфармацыі на карысць грамадзян і прадпрыемстваў».  Дзеля дасягнення гэтай мэты Партугалія ставіць перад сабой наступныя прыярытэтныя задачы:

• Паскорыць лічбавы пераход, які з’яўляецца рухаючай сілай эканамічнага росту, і садзейнічаць таму, каб Еўропа была адным з лідараў у сферы лічбавых інавацый і ў лічбавай эканоміцы. 
• Садзейнічаць распрацоўцы новых лічбавых рашэнняў і стратэгій для зялёнага пераходу ў сферы аховы здароўя, даследаванняў і інавацый, прамысловай уласнасці, правасуддзя і мабільнасці. 
• Папулярызаваць палепшаны доступ да даных і інфармацыі аб якасці і абмен імі, каб палегчыць жыццё людзей, у прыватнасці шляхам стварэння еўрапейскага лічбавага пасведчання асобы, а таксама спрыяць таму, каб тэхналогіі прыносілі карысць людзям, каб эканоміка была справядлівай і канкурэнтнай, поўнасцю прытрымліваючыся каштоўнасцей дэмакратычнага, адкрытага і ўстойлівага грамадства.     
• Удзяляць увагу ўсеагульнаму развіццю лічбавых навыкаў, што дазволіць працаўнікам прыстасоўвацца да новых вытворчых працэсаў, не забываючыся аб дыстанцыйным навучанні на працягу ўсяго жыцця.    
• Павысіць інфармаванасць аб укараненні перадавога лічбавага вопыту з мэтай мадэрнізацыі дзяржаўнага кіравання, у прыватнасці дзякуючы выкарыстанню штучнага інтэлекту.
• Спрыяць развіццю канкурэнтнай і інтэграванай у эканоміку касмічнай галіны, якая дазволіла б прадпрыемствам і дзяржаўнаму кіраванню па максімуме выкарыстоўваць касмічныя даныя і тэхналогіі.  

EU4Digital імкнецца пашырыць перавагі Адзінага лічбавага рынку Еўрапейскага саюза на Усходнія краіны-партнёры, накіроўваючы падтрымку ЕС на развіццё патэнцыялу лічбавай эканомікі і лічбавага грамадства, для садзейнічання эканамічнаму росту, стварэння новых працоўных месцаў, паляпшэння якасці жыцця і аказання дапамогі прадпрыемствам.

Партугалія будзе ўзначальваць Савет ЕС да 30 чэрвеня 2021 года.

Прэс-рэліз

Прыярытэты партугальскага старшынства