Хочаце даведацца больш пра лічбавыя распрацоўкі, прыярытэты на будучыню і палітычную праграму для Усходніх краін-партнёраў? Ініцыятыва EU4Digital арганізуе два мерапрыемствы, прысвечаныя тэме лічбавай трансфармацыі ва Усходнім партнёрстве. 14 лістапада 2023 года Лічбавая канферэнцыя для Усходняга партнёрства дасць прастору для больш шырокага абмеркавання. Запрашаюцца ўсе, хто зацікаўлены ва ўдзеле. 15 лістапада 2023 года запрошаныя члены Кіраўнічага камітэта Фазы II праекта EU4Digital сустрэнуцца дзеля абмеркавання самай важнай рэгіянальнай ініцыятывы і праектаў EU4Digital.

Шукаеце навіны, рэсурсы і іншую інфармацыю пра лічбавую трансфармацыю ва Усходнім партнёрстве (УП)? EU4Digital запрашае вас наведаць свой нядаўна перазапушчаны сайт: https://eufordigital.eu/bel/! Перазапускаючы сайт, праект EU4Digital прапануе сваёй шырокай лічбавай суполцы абноўлены кантэнт і палепшаны карыстальніцкі інтэрфейс.

Аператары сувязі Еўрапейскага саюза і Рэспублікі Малдова падпісалі сумесную дэкларацыю аб зніжэнні роўмінгавых тарыфаў для прадпрымальнікаў і грамадзян, што перасоўваюцца паміж гэтымі двума рэгіёнамі. Еўрапейская камісія і ўлады Малдовы садзейнічалі падпісанню добраахвотнай дэкларацыі, якая была апублікавана 31 мая 2023 года. Яна адлюстроўвае агульную мэту па забеспячэнні доўгатэрміновай дамоўленасці аб роўмінгу і набліжэнні Малдовы да Адзінага рынку ЕС. ЕС спрыяе гэтаму працэсу, а таксама інтэграцыі Малдовы ў еўрапейскі роўмінгавы рэжым праз ініцыятыву EU4Digital.

Штогод Еўрапейскі тыдзень праграмавання заяўляе пра важнасць лічбавай пісьменнасці і навыкаў праграмавання і прасоўвае іх сярод людзей любога ўзросту і паходжання. Мерапрыемствы праводзяцца круглы год, але два тыдні адведзеныя спецыяльна пад Тыдзень праграмавання, які ў гэтым годзе пройдзе з 7 па 22 кастрычніка.

30 сакавіка 2023 года каманда EU4Digital па інавацыях у сферы ІКТ правяла сеткавае анлайн-мерапрыемства для падтрымкі развіцця экасістэмы блокчэйна ў рэгіёне Усходняга партнёрства (УП). Асацыяцыі, ключавыя дзеячы інавацыйнай экасістэмы сферы блокчэйна, а таксам прадстаўнікі галіны і ўрадаў краін УП абмеркавалі магчымасці аб’яднання намаганняў і супрацоўніцтва з Міжнароднай асацыяцыяй давераных блокчэйн-дадаткаў (INATBA) і яе асноўнымі партнёрствамі.

Форум інавацый у сферы ІКТ EU4Digital - 2023 узняў важныя пытанні аб будучыні адукацыі, каб лепш падрыхтаваць прадпрыемствы да постындустрыяльнага лічбавага грамадства. Анлайн-мерапрыемства, якое прайшло 9 сакавіка і падкрэсліла важнасць павышэння лічбавай кваліфікацыі супрацоўнікаў стартапаў і малых і сярэдніх прадпрыемстваў (МСП) у рэгіёне Усходняга партнёрства (УП), стала другім у серыі штогадовых форумаў інавацый і прыцягнула больш за 100 удзельнікаў. Яны даведаліся пра разнастайныя ініцыятывы ЕС і УП па стратэгічнай падтрымцы, уключаючы дзейнасць Платформы адукацыйных тэхналогій EU4Digital, якая была анансаваная падчас мерапрыемства.

Праект EU4Digital збярэ разам ключавых палітычных дзеячаў, перадавыя арганізацыі экасітэм стартапаў і спецыялістаў у галіне лічбавых інавацый і развіцця экасістэм стартапаў на штогадовым Форуме EU4Digital па пытаннях стартапаў і інавацый-2023. Тэма гэтага палітычнага мерапрыемства высокага ўзроўню – «Лічбавыя тэхналогіі для павышэння лічбавай кваліфікацыі супрацоўнікаў шырокага кола МСП ва Усходнім партнёрстве» (УП). Мерапрыемства пройдзе ў аддаленым рэжыме ў фармаце віртуальнай сесіі 9 сакавіка 2023 года.

У дзяцінстве і далейшым жыцці накапленне ведаў і навыкаў дазваляе людзям развіваць і рэалізоўваць свой патэнцыял, робячы грамадства больш прадуктыўным. Еўрапейскі фонд адукацыі (ЕФА) заяўляе, што для развіцця людскога капіталу неабходна настроіцца на «рашучую лічбавую інтэграцыю». Пры дапамозе разнастайных інструментаў і ініцыятыў ЕФА падтрымлівае палітыку і меры, накіраваныя на лічбавую інтэграцыю, у краінах-партнёрах, і ў тым ліку ў рэгіёне Усходняга партнёрства.

Гэтая сесія павысіць асвядомленасць аб тым, што будзе значыць электронная інфармацыя аб грузавых перавозках (eFTI) для лагістыкі ў ЕС і якія перавагі і магчымасці яна дае Усходнім краінам-партнёрам.

Праграма палітыкі Лічбавага дзесяцігоддзя да 2030 года ўвайшла ў сілу. Еўрапейскі парламент, дзяржавы-члены ЕС і Еўрапейская камісія сумесна вызначылі пэўныя мэты і задачы ў чатырох ключавых абласцях для стратэгічна важнага развіцця лічбавай эканомікі.

Каб дасягнуць мэт Еўрапейскага саюза ў галіне лічбавай трансфармацыі, больш за 4,5 мільярда еўра будзе вылучана на праграму «Гарызонт Еўропа» ў 2023-2024 гг. Гэта больш за 33% агульнага бюджэту праграмы.

Жаночае прадпрыемніцтва і інавацыі ва Усходніх краінах-партнёрах сталі галоўнымі тэмамі віртуальнага сеткавага мерапрыемства Women 4 Digital Future, арганізаванага камандай EU4Digital па інавацыях у сферы ІКТ 28 лістапада 2022 года.