З 14 па 15 снежня 2021 года прайшоў рэгіянальны семінар на тэму «Размеркаванне спектра ў кантэксце 5G». Ён быў арганізаваны ў супрацоўніцтве з Еўрапейскай камісіяй у межах Інструмента тэхнічнага садзейнічання і інфармацыйнага абмену TAIEX з мэтай вывучэння перадавога вопыту дзяржаў-членаў ЕС у вобласці размеркавання  радыёчастотнага спектра і ўкаранення мер для правядзення аўкцыёнаў на частоты 5G.

Падчас двухдзённага семінара ўдзельнікі з Усходніх краін-партнёраў пазнаёміліся з дзейнасцю Групы па распрацоўцы палітыкі ў галіне радыёчастотнага спектра (RSPG), што датычыцца размеркавання спектра, ліцэнзійных абавязацельстваў, звязаных з 5G, у розных краінах ЕС, рэгламенту ЕС аб размеркаванні спектра, мадэлі размеркавання спектра з ліцэнзаваным агульным доступам (LSA) і г. д. Семінар прайшоў адначасова з шостым Самітам Еўрапейскага партнёрства, які адбыўся 15 снежня 2021 года. Падчас саміту лідары ЕС, дзяржаў-членаў ЕС і Усходніх краін-партнёраў прынялі Сумесную дэкларацыю. У ёй падкрэсліваецца, што важна забяспечыць надзейнасць сетак 5G, прытрымліваючыся ўзгодненага і каардынаванага з ЕС падыходу. Дзеля гэтага краінам будзе прапанавана падтрымка з выкананнем умоў Рэгіянальнага пагаднення аб спектры (РПС).