19 снежня 2019 года ў Мінску адбыўся круглы стол EU4Digital па лічбавых навыках і працоўных месцах. Абмяркоўваўся эканамічны патэнцыял, які трансфармацыя лічбавых навыкаў можа адкрыць у Беларусі.

Мерапрыемства было арганізавана Асацыяцыяй «Інфапарк» у рамках праекта «Cадзейнічанне фарміраванню парадку дня і інстытуцыйных перадумоў для ўмацавання лічбавых кампетэнцый у Беларусі, Украіне і Грузіі», што фінансуецца Форумам грамадзянскай супольнасці Усходняга партнёрства. У ім прынялі ўдзел прадстаўнікі беларускіх дзяржаўных устаноў, універсітэтаў, навуковых інстытутаў і асацыяцый ІКТ, а таксама эксперты фонду EU4Digital.

Асноўнай мэтай мерапрыемства было выяўленне супольнасці, зацікаўленай ў развіцці лічбавых навыкаў і працоўных месцаў у Беларусі. Для вывучэння патэнцыялу, які трансфармацыя лічбавых навыкаў можа прыўнесці ў нацыянальную эканоміку Беларусі, мерапрыемства ўключала абмеркаванне еўрапейскіх стандартаў лічбавых кампетэнцый, лічбавага лідарства і абмену вопытам паміж Беларуссю і дзяржавамі-членамі ЕС, у тым ліку ў стварэнні, кіраванні і адміністраванні нацыянальных кааліцый лічбавых навыкаў і працоўных месцаў.

«Кааліцыя па лічбавых навыках і працоўных месцах» — гэта шматбаковае партнёрства, мэтай якога з’яўляецца садзейнічанне супрацоўніцтву паміж прадпрыемствамі і пастаўшчыкамі адукацыйных паслуг, а таксама дзяржаўнымі і прыватнымі суб’ектамі для вырашэння праблемы недахопу лічбавых навыкаў. Нацыянальныя кааліцыі садзейнічаюць аб’яднанню дзяржаўных органаў, бізнесу, адукацыі, навучання і зацікаўленых бакоў на рынку працы для распрацоўкі канкрэтных мер, якія забяспечваюць лічбавыя навыкі і кампетэнцыі на ўсіх узроўнях адукацыі і навучання, а таксама для супольных дзеянняў, накіраваных на пераадоленне разрыву ў галіне лічбавых навыкаў і лічбавых працоўных месцаў.

Пасля працяглага абмеркавання ўдзельнікі пагадзіліся з неабходнасцю ўзмацнення каардынацыі для садзейнічання рэгулярнаму ўзаемадзеянню ў галіне лічбавых навыкаў і працоўных месцаў.

 Прэс-рэліз