ICT Innovation and Start-up Ecosystems

Праз ініцыятыву EU4Digital ЕС імкнецца ўсталяваць сувязі паміж экасістэмай інавацый і стартапаў Усходняга партнёрства (УП) і сеткамі ЕС і ліквідаваць прабелы паміж гэтымі дзвюма экасістэмамі для падтрымкі інавацый і стартапаў на падставе перадавога досведу, прынцыпаў і стандартаў ЕС.

Дзеля дасягнення гэтых мэт Фаза II праекта EU4Digital будзе накіравана на:

• Наладжванне кантактаў і абмен рэлевантнымі метадамі працы і інструментамі паміж зацікаўленымі бакамі інавацыйных экасістэм ЕС і УП;
• Дапамогу з развіццём экасістэмы лічбавых стартапаў УП;
• Распрацоўку агульнай базы рэкамендацый па развіцці інавацыйных кластараў ва Усходніх краінах-партнёрах.

У якасці асновы выкарыстоўваюцца дасягненні ў галіне Інавацый у сферы ІКТ падчас Фазы І, сярод якіх распрацоўка рэкамендацый па ажыццяўленні палітыкі і планаў дзеянняў для кожнай краіны дзеля ўмацавання экасістэм даследаванняў, стартапаў і інавацый у сферы ІКТ і правядзенне ключавых сеткавых мерапрыемстваў для зацікаўленых бакоў УП і арганізацый ЕС. Быў распрацаваны метад аналізу рынку для Ініцыятывы ў галіне лічбавых інавацый і скейлапаў (DISC). Кіраўніцтвы для пабудовы прадпрымальніцкіх экасістэм у сферы ІКТ і стварэння праграмы настаўніцтва для жанчын у галіне высокіх тэхналогій сталі дадатковымі элементамі стымулявання развіцця экасістэм ІКТ.

Праект падтрымлівае працу экспертнай  Сеткі ў галіне інавацый у сферы ІКТ EU4Digital, што займаецца распрацоўкай:

• Сетак кантактаў
• Інавацыйнай структуры
• Інавацыйнай інфраструктуры
• Пілотных праектаў для стартапаў
• Інавацыйных паслуг для МСП

Праз  EU4Digital падтрымка ЕС экасістэмы інавацый у сферы ІКТ будзе садзейнічаць абмену даследчым досведам і трансгранічнымі інвестыцыямі, адчыніць рынкі ЕС для стартапаў і МСП з рэгіёна УП, будзе садзейнічаць інвестыцыям і стварэнню новых працоўных месцаў для таленавітай моладзі і прывядзе да агульнага павышэння ўзроўню ведаў, эфектыўнасці і каштоўнасці.

Праграма EaPConnect , што ажыццяўляецца зараз і фінансуецца ЕС, спрыяе інавацыям у сферы ІКТ праз усталяванне сувязей паміж навукова-адукацыйнымі супольнасцямі рэгіёна і з іх еўрапейскімі калегамі пры дапамозе высокапрадукцыйнай шырокапалоснай сеткі, даючы амаль двум мільёнам навукоўцаў, студэнтаў і акадэмікаў УП з 700 устаноў доступ да лічбавых паслуг і міжнародных даследаванняў.