Вэбінар, прысвечаны пілотнаму праекту eDelivery паміж Украінай і Польшчай: што гэта такое і ў чым заключаюцца перавагі распаўсюджвання гэтага праекта на рэгіён УП?

  • Дата: 11/01/21
  • Падзяліцца:

Пілотны праект EU4Digital eDelivery паміж Украінай і Польшчай, ажыццяўленне якога пачалося ў кастрычніку, паспяхова завяршыўся ў канцы лістапада 2020 года.    Заканчэнне праекта азначае, што трансгранічныя гандлёвыя партнёры з Украіны і Польшчы ажыццявілі паспяховы абмен стандартызаванымі данымі рахункаў-фактур у Сетцы Peppol eDelivery. 

Нягледзячы на тое, што пілотныя мерапрыемствы завяршыліся, Украіна выказвае зацікаўленасць у далейшым прасоўванні ідэі паўторнага выкарыстання eDelivery. З мэтай далейшага садзейнічання выкарыстанню eDelivery у краіне Міністэрства лічбавай трансфармацыі Украіны, якое каардынавала пілотны праект ва Украіне, пачало праводзіць камунікацыйныя мерапрыемствы, у тым ліку вэбінар, прысвечаны eDelivery, які прайшоў у снежні 2020 года.    

Падчас гадзіннага вэбінара, арганізаванага Праектам EU4Digital, старшыя эксперты EU4Digital распавялі аб прызначэнні рашэння eDelivery і яго ключавых перавагах. Удзельнікі з Украіны, у тым ліку ўладальнік кропкі доступу Дзяржаўнае прадпрыемства «ДІЯ» і кампаніі-экспарцёры і імпарцёры Kernel і Premier Food, што прынялі ўдзел у праекце, разам з пастаўшчыком паслуг абмену электроннымі данымі EDIN таксама падзяліліся сваімі заўвагамі і прапановамі і распавялі аб вопыце ўдзелу ў пілотным праекце.    

Вэбінар можна паглядзець па спасылцы.

У дадатак да пілотнага праекта ЕС-ВП паміж Украінай і Польшчай EU4Digital таксама запусціў пілотны праект УП-УП паміж Украінай і Арменіяй, падрыхтоўчыя мерапрыемствы да якога пачаліся ў снежні. Пасля гэтага Праект EU4Digital распрацуе рэкамендацыі, якія  будуць датычыцца неабходных прававых, арганізацыйных і тэхнічных карэктываў для поўнага ўкаранення рашэння, а таксама маштабавання eDelivery ва Усходніх краінах-партнёрах. Калі рэкамендацыі будуць падрыхтаваныя, адбудзецца заключны вэбінар, мэтай якога стане прэзентацыя рэкамендацый і разгляд магчымасці паўторнага выкарыстання дадзенага рашэння ў будучыні. Падпісвайцеся, каб заставацца ў курсе падзей!


Навіны

Паглядзець усё