როგორ ცვლის ე-ჯანმრთელობა ჯანდაცვის სექტორის საქმიანობას აღმოსავლეთთ პარტნიორობის ქვეყნებში და რას აკეთებს ევროკავშირი ამ სფეროს დასახმარებლად? პროგრამამ EU4Digital ჩაატარა კამპანია, რომელიც აშუქებს მისი მხრიდან ე-ჯანმრთელობის ტექნოლოგიების მხარდაჭერას პარტნიორ ქვეყნებში იმის ხაზგასმით, თუ რამდენად გადამწყვეტია ე-ჯანმრთელობის მნიშვნელობა და რას უნდა ველოდოთ მომავალი წლების განმავლობაში.

ადგილობრივი პრესის და სოციალური მედიის საშუალებით მხარდაჭერილი კამპანია აგებული იყო ისტორიების ციკლზე, რომლებიც შეიქმნა ადგილობრივ მედია-პარტნიორებთან თანამშრომლობით. ამ ისტორიებში აღწერილია აღმოსავლეთ პარტნიორობის ქვეყნებში დანერგილი ელექტრონული ჯანმრთელობის გადაწყვეტები,  მათ წინაშე მდგარი გამოწვევები და ევროკავშირის და მისი EU4Digital ინიციატივის მხარდაჭერა.

ისტორიებს შეგიძლიათ გაეცნოთ აქ:

• გაუმჯობესებული მომსახურება და ადმინისტრაცია: მოლდოვის საავადმყოფოები ავტომატიზებული საინფორმაციო სისტემის სარგებელს იმკიან
• eBaby უკრაინაში: ცხრა სერვისი ერთში ბიუროკრატიის გვერდის ავლის მიზნით დაბადებისას
• თანამედროვე ციფრული პლატფორმები პანდემიაზე უკეთ რეაგირებისთვის: მოლდოვაში მონაცემები გადამწყვეტ როლს ასრულებს COVID-19-თან ბრძოლაში
• დარჩით სახლში, წამლებს ჩვენ მოგიტანთ –  ციფრული ინიციატივა ქართველ პენსიონერებს რთული პერიოდის გადატანაში ეხმარება
• როგორ დააჩქარა პანდემიამ ციფრული სერვისების დანერგვა საქართველოში
• ციფრული ექიმი: როგორ გარდაქმნის ჯანდაცვას უკრაინაში ავადმყოფობის ციფრული ისტორიები
• ე-ჯანმრთელობის ტექნოლოგიების გარდამქმნელი ძალა ევროკავშირსა და აღმოსავლეთ პარტნიორობის რეგიონში,
• ბრწყინვალე სამომავლო შესაძლებლობები ჯანმრთელობის ტექნოლოგიებისთვის ჯერ კიდევ არსებული გამოწვევების მიუხედავად.

ინფოგრაფიკული ვიდეორგოლების ციკლის საშუალებით სოციალური მედიის პოსტებით გაშუქდა ე-ჯანმრთელობის მნიშვნელობა და ნაჩვენები იქნა წარმატებული ინოვაციები ამ სექტორში.

გარდა ამისა, კამპანიის ფარგლებში საზოგადოება  ინფოგრაფიკის საშუალებით უკეთ გაეცნო პროგრამის EU4Digital ე-ჯანმრთელობის მიმართულების საქმიანობის ძირითად სფეროებს, ხოლო ე-ბარათების კომპლექტით ამ საკითხთან დაკავშირებულ პრაქტიკულ შეკითხვებს გაეცა პასუხი.