EU4Digital: Cybersecurity EAST

პროექტის მიზანია კიდევ უფრო დაუახლოვოს აღმოსავლეთ პარტნიორობის ყველა ქვეყანა ევროკავშირის კიბე უსაფრთხოებასთან დაკავშირებულ ძირითად პრინციპებს, პარტნიორ ქვეყნებს შორის განვითარებაში არსებული განსხვავებების გათვალისწინებით.

ამოცანები

პროექტის ამოცანაა ტექნიკური და თანამშრომლობის მექანიზმების შემუშავება, რომლებიც ზრდის კიბერუსაფრთხოებას და მზადყოფნას კიბერშეტევებისთვის წინააღმდეგობის გასაწევად, ევროკავშირის სტანდარტების შესაბამისად.

საქმიანობა

პროექტი ახორციელებს შემდეგ საქმიანობას:

კიბერუსაფრთხოება

• ეროვნული კიბერუსაფრთხოების მმართველობის და საკანონმდებლო ჩარჩოს გაძლიერება აღმოსავლეთ პარტნიორობის ყველა ქვეყანაში, მათ შორის შემდეგი საშუალებებით:
  – საკანონმდებლო ჩარჩოს შესწორების ან შემუშავების მხარდაჭერა
  – ტრენინგი და მენტორინგი შემდეგ საკითხებზე: კიბერსაფრთხეები და მათზე რეაგირება, ადამიანის უფლებები, მონაცემთა დაცვის ღონისძიებები და ზედამხედველობის მექანიზმები
  – თანამშრომლობა კერძო სექტორის მომსახურების პროვაიდერებთან
  – საზოგადოების ინფორმირებულობის გაზრდა
• კრიტიკული საინფორმაციო ინფრასტრუქტურის დაცვის გაძლიერება აღმოსავლეთ პარტნიორობის ქვეყნებში, მათ შორის შემდეგი საშუალებებით:
  – ეროვნული კრიტიკული საინფორმაციო ინფრასტრუქტურის ტექნიკური დახმარება
  – კრიტიკული საინფორმაციო ინფრასტრუქტურის დაცვის სამოქმედო გეგმების და პროცესების შემუშავების მხარდაჭერა
  – ტექნიკური დახმარება და ტრენინგი კრიტიკული საინფორმაციო ინფრასტრუქტურის დაცვის სისტემების შესამუშავებლად 
• კიბერუსაფრთხოების ინციდენტების მართვის საოპერაციო პოტენციალის გაზრდა აღმოსავლეთ პარტნიორობის ქვეყნებში, მათ შორის შემდეგი საშუალებებით:
  – კიბერინცინდენტების ერთობლივი მართვის შეხვედრების, სამაგიდო სავარჯიშოების და სასწავლო ოპერაციების ორგანიზება კიბერშეტევის სიტუაციის სიმულირების მიზნით
  – ერთობლივი კიბეროპერაციები და გამოძიებები
  – უწყებათაშორისი და ტრანსნაციონალური თანამშრომლობის ხელშეწყობა რეალური კიბერინციდენტების დროს
  – არსებული რეგიონული ქსელების მხარდაჭერა და კონსოლიდაცია