მონაცემებზე წვდომა გადამწყვეტ როლს ასრულებს ციფრული ტრანსფორმაციის სტრატეგიების განვითარებაში აღმოსავლეთ პარტნიორობის ქვეყნებში და მათ ჰარმონიზაციაში ევროპულ სტრატეგიებთან. პროგრამის EU4Digital DESI-აქსელერატორის აქტივობების ნაწილი მიმართულია მკაფიო და ზუსტი მეთოდოლოგიის შექმნაზე, რომელიც გაზომავს ციფრულ უნარებში, ბიზნესში და მთავრობის ციფრულ ტრანსფორმაციაში არსებულ ხარვეზებს, და შესაბამისი ინდიკატორების შეკრებაზე აღმოსავლეთ პარტნიორობის ქვეყნებში. ამ პროცესში გათვალისწინებული იქნება თითოეული ქვეყნის სპეციფიკური პირობები, და მეთოდოლოგია შესაბამისად შემუშავდება.

ციფრული წინსვლის გაზომვის მიმართ ჰარმონიზებული მიდგომის საშუალებით განსაზღვრავენ ციფრულ უნარებში არსებულ ხარვეზებს და შეზღუდვებს ციფრული ტრანსფორმაციის პროცესში ბიზნესის და სახელმწიფო დონეზე. ეს დაეხმარება გადაწყვეტების მოძიებას და შეაფასებს რეგიონული და სახელმწიფო ინიციატივების გავლენას. გარდა ამისა, სახელმწიფო დონის განვითარების სტრატეგიების მორგება კონკრეტულ, ევროკავშირის პრაქტიკის შესაბამისად გაზომილ მონაცემებზე, დაეხმარება პრობლემური სფეროების და მოთხოვნა-მიწოდების პროცესში არსებული ხარვეზების განსაზღვრას. მიუხედავად იმისა, რომ DESI შედგენილი ინდექსია, საკუთარ გამოთვლებში ის კონკრეტულ ინდიკატორებს იყენებს; ამით შესაძლებელია გადაწყვეტილების მიღების პროცესების გაუმჯობესება ციფრული ეკონომიკის და საზოგადოების ისეთ სპეციფიკურ სფეროებში, როგორიცაა ინტერნეტ-მომხმარებელთა უნარები, ციფრული ტექნოლოგიები ბიზნესისთვის, ციფრული ტექნოლოგიების დანერგვის ინტენსივობა, და ციფრული მთავრობის განვითარება. მონაცემთა ჰარმონიზებული მართვით შესაძლებელია  ასევე ციფრულ განვითარებაში ინდივიდუალური წინსვლის შედარება აღმოსავლეთ პარტნიორობის ქვეყნებს შორის და ევროკავშირის ქვეყნებთან.