არაერთი საჯარო სერვისი ხდება ხელმისაწვდომი ონლაინ. ამგვარ ციფრულ სერვისებთან ურთიერთობისას მოქალაქეები, სახელმწიფოს და ბიზნესის წარმომადგენლები უნდა ხედავდნენ, რომ ისინი ამ სერვისების რეალური მომხმარებლები არიან და მათ უნდა შეეძლოთ დოკუმენტებზე ელექტრონული ხელმოწერის ან ბეჭდის დასმა, ხელისუფლების ორგანოებიდან მიღებული ელექტრონული მონაცემების მიწოდება ან ონლაინ გადახდების განხორციელება. სხვადასხვა ქვეყანაში ანალოგიური სერვისების გამოყენება მოითხოვს ოპერაციულ თავსებადობას ტექნიკურ დონეზე; გარდა ამისა, აუცილებელია ამ სერვისების მომხმარებლებს ერთნაირად ესმოდეთ შესაბამისი საბაზისო წესები და მოთხოვნები. სახელმწიფოთაშორისი ოპერაციული თავსებადობის მისაღწევად გადამწყვეტი მნიშვნელობა აქვს ურთიერთაღიარების შეთანხმებებს.

იმისათვის, აღმოსავლეთ პარტნიორი ქვეყნები უკეთ იყვნენ მზად სახელმწიფოთაშორისი ელ-სერვისების განსახორციელებლად და ურთიერთაღიარების შეთანხმებების საკითხის გადასაჭრელად, პროგრამა EU4Digital შემდეგი სახის მხარდაჭერას ახორციელებს:

• ელ-სანდოობის ერთიანი ჩარჩოს ჩამოყალიბება, რომელიც განსაზღვრავს ფუნდამენტურ პრინციპებს, ორგანიზაციულ და ტექნიკურ ბარიერებს და მათი დაძლევის გზებს, ციფრული განვითარების ხელშემწყობი ფაქტორების ხელმისაწვდომობას და ელექტრონული სერვისების ხელმისაწვდომობას უცხოელებისთვის;
• სახელმწიფოთაშორისი ელ-ხელმოწერის და ელექტრონული იდენტიფიკაციის სერვისების პილოტირება;
• მონაცემთა მართვის და თავსებადობის საერთო სახელმძღვანელო რეკომენდაციების განსაზღვრა;
• კონკრეტული ქვეყნის სამოქმედო გეგმების შემუშავება საუკეთესო პრაქტიკის შესაბამისად სახელმწიფოთაშორისი ურთიერთაღიარების მიზნით.

ამ აქტივობებს გადამწყვეტი მნიშვნელობა აქვს უსაფრთხო და სანდო ციფრული გარემოს ჩამოსაყალიბებლად აღმოსავლეთ პარტნიორ ქვეყნებში.