Home / Stay Informed /
რას აკეთებს პროგრამა EU4Digital აღმოსავლეთ პარტნიორობის ქვეყნების დასახმარებლად DESI-ს დანერგვაში?
Date: 06/04/20
პროგრამის EU4Digital ციფრული უნარების თემატურმა სფერომ 2023 წლის 30 მაისს დაიწყო საქმიანობა DESI-ს აქსელერაციისთვის. პროგრამის EU4Digital DESI-აქსელერატორის უპირველესი მიზანია ხელი შეუწყოს ციფრული ეკონომიკის და საზოგადოების ინდექსის დანერგვას აღმოსავლეთ პარტნიორობის ქვეყნებში და DESI-ს ინდიკატორების ნაკრების დამტკიცებას ამ ქვეყნების მიერ. მოცული იქნება DESI-ის ოთხი განზომილებიდან სამი – საკადრო პოტენციალი, ციფრული ტექნოლოგიების ინტეგრაცია და ციფრული საჯარო სერვისების ინტეგრაცია, ხოლო კავშირების მიმართულების ნაკრების სრულად დანერგვას პროგრამის EU4Digital სხვა მიმართულება ახორციელებს.
პირველ ეტაპზე პროგრამა EU4Digital აანალიზებს განსხვავებებს მონაცემთა შეკრების არსებულ და პროგნოზირებულ პრაქტიკას შორის აღმოსავლეთ პარტნიორობის ქვეყნებში. ჩვენ შევიმუშავებთ პრაქტიკულ რეკომენდაციებს რეგიონული და სახელმწიფო დონისთვის, რათა გადავიდეთ DESI-ს ინდიკატორების სრული ნაკრების დანერგვაზე ევროკავშირის მეთოდოლოგიების შესაბამისად. ეს რეკომენდაციები დაეფუძნება DESI-ს ინდიკატორებთან დაკავშირებულ მონაცემთა შეკრების არსებულ მდგომარეობას ამ ქვეყნებში. მონაწილე მხარეებს აღმოსავლეთ პარტნიორობის რეგიონიდან უნდა ჰქონდეთ საკუთარი წინადადებების წარდგენის და ანგარიშების დასაბუთების შესაძლებლობა.
გარდა ამისა, DESI-აქსელერატორი უზრუნველყოფს მხარდაჭერას და პოტენციალის შექმნას DESI-ს ნაკრების დამტკიცების ხელშეწყობის მიზნით. ამის საფუძველზე აღმოსავლეთ პარტნიორობის ქვეყნები მონაწილეობას მიიღებენ ევროკავშირის წევრ სახელმწიფოებთან პოტენციალის შექმნის და გამოცდილების გაზიარების აქტივობებში, ტრენინგების მხარდაჭერასა და კონსულტაციებში DESI-ს ინდიკატორების გაზომვის საკითხებზე, და მონაცემთა შეკრებასა და გაზომვაში მონაწილე უწყებების პოტენციალის განვითარებისათვის. ძირითადი მიმართულება იქნება ტრენინგები და კონსულტაციები სახელმწიფო დონეზე, და რეგიონული ღონისძიებები. DESI-აქსელერატორი არ განიხილება, როგორც დაფინანსების უზრუნველყოფის ჩარჩო; ის განახორციელებს სრულ მეთოდოლოგიურ მხარდაჭერას და სპეციალიზებულ საუკეთესო პრაქტიკას DESI-ს ინდიკატორების შეკრების მიზნით.
- ელექტრონული უნარები