Home / Stay Informed /
რატომ არის მნიშვნელოვანი ციფრული უნარები და როგორ ხედავთ მათ განვითარებას აღმოსავლეთ პარტნიორობის ქვეყნებში ხუთი წლის განმავლობაში? როგორი იქნება პროგრამის EU4Digital მიერ გაწეული დახმარება?
Date: 06/04/20
ციფრული ტრანსფორმაცია მდგრადი განვითარების უწყვეტობის, ადამიანური კაპიტალის განვითარების და მმართველობის გაუმჯობესების ერთ-ერთი მთავარი კატალიზატორია აღმოსავლეთ პარტნიორობის ქვეყნებში. ევროკავშირი მიზნად ისახავს საფუძვლის შექმნას აღმოსავლეთ პარტნიორობის რეგიონის ერთი მილიონი მოქალაქის ციფრული გაძლიერებისთვის, რაც განხორციელდება შესაძლებლობების უზრუნველყოფით მათი ციფრული განათლებისათვის, ხოლო პროგრამის EU4Digital უნარების მიმართულება ამ მიზნის მხარდასაჭერ ღონისძიებებს ახორციელებს. ერთ-ერთი ამოცანაა ციფრული ბარიერის დაძლევა მცირე და საშუალო საწარმოების ციფრული კომპეტენციების ჩარჩოს საშუალებით. ამ სფეროში პროგრამა EU4Digital ხელს უწყობს რეგიონული საგანმანათლებლო ტექნოლოგიების (EdTech) პლატფორმის შექმნას უნარების ასათვისებელი ტრენინგის ჩასატარებლად, და ქვეყნისთვის სპეციფიკური მეთოდოლოგიების შემუშავებას მენტორობის პროგრამების მხარდასაჭერად. გარდა ამისა, პროგრამა EU4Digital მხარს უჭერს ციფრული უნარების ქსელის მუშაობას.
აღმოსავლეთ პარტნიორობის რეგიონში ციფრულ უნარებში არსებული ხარვეზების შეფასებისა და პროგნოზირების მეთოდოლოგიის შესაქმნელად პროგრამის EU4Digital I ფაზის მუშაობის საფუძველზე, ციფრული ეკონომიკის და საზოგადოების ინდექსის (DESI) შესაბამისად, ამჟამად პროგრამის EU4Digital DESI-აქსელერატორი აქტიურია. პროგნოზირებულია, რომ DESI-აქსელერატორის დახმარებით აღმოსავლეთ პარტნიორობის რეგიონის ქვეყნები სრულად დანერგავენ DESI-ს ინდიკატორების ნაკრებს, და შეძლებენ დამოუკიდებლად და სტაბილურად განახორციელონ ნებისმიერი მეთოდოლოგიური ცვლილება. ეს მოითხოვს ეროვნული სტატისტიკის მძლავრ უწყებას და მონაცემთა შეკრების აპრობირებულ სისტემატურ მექანიზმებს. ამ პოტენციალით აღმოსავლეთ პარტნიორობის ქვეყნები შეძლებენ ციფრულ საქმიანობასთან დაკავშირებული უფრო ზუსტი მონაცემების ჩართვას საკუთარ ეროვნულ სტრატეგიებში, რითაც მხარს დაუჭერენ პოლიტიკის მეცნიერულად დასაბუთებულ დაგეგმვას. ამასთანავე, ვინაიდან DESI კიდევ უფრო მტკიცე შესაბამისობაში მოდის ევროკავშირის ციფრულ ათწლეულთან, ხუთ წელიწადში აღმოსავლეთ პარტნიორობის ქვეყნებმა უნდა შეძლონ მონაცემთა შეკრება საერთო მეთოდით და ევროკავშირის პრაქტიკის შესაბამისად.
- ელექტრონული უნარები