ინიციატივის EU4Digital ელ-ვაჭრობის თემატური სფერო ხელს უწყობს სახელმწიფოთაშორისი თანამშრომლობის დანერგვას. ამ პროცესში მთავარია ელ-ვაჭრობის ჰარმონიზაცია ელ-საბაჟოს, ელ-ლოგისტიკის და ელ-კომერციის სფეროში შემდეგი აქტივობების საშუალებით:

• ელ-საბაჟოს საპილოტე პროექტი – საბაჟო ინფორმაციის სისტემატური და ავტომატური გაცვლა უსაფრთხო არხით, რაც ხელს უწყობს სპეციალიზებული პროგრამული უზრუნველყოფის გამოყენებას საზღვრის უფრო სწრაფად გადაკვეთის და რისკის მართვის გაუმჯობესების მიზნით.
• ციფრული სატრანსპორტო დერეფანი (ტვირთის ტრანსპორტირების შესახებ ელექტრონული ინფორმაციის (eFTI) დანერგვა) – სამოქმედო გეგმის შექმნა ტვირთის ტრანსპორტირების შესახებ ელექტრონული ინფორმაციის (eFTI) გაცვლისათვის ფიზიკური სატრანსპორტო დერეფნების საშუალებით (საავტომობილო გზა, რკინიგზა, ქვეყნის შიდა წყლითსავალი გზა), ევროკავშირის სტანდარტების შესაბამისად, რომლებიც ძალაში შევიდა 2026 წელს eFTI რეგულაციის ფარგლებში.
• ელ-კომერციის აქსელერატორი –
  • გზა 1: ელ-კომერციის სტატუსის განმეორებითი შეფასება –კანონმდებლობის, სტანდარტების და ზოგადად ელ-კომერციის ეკოსისტემის ცვლილებების შეფასება აღმოსავლეთ პარტნიორობის ქვეყნებში 2020 წლის შემდეგ.
  • გზა 2: ელ-კომერციის საპილოტე პროექტი: national pavilion account – საპილოტე პროექტი მთავრობის national pavilion account-ის შესაქმნელად ევროკავშირის ელ-კომერციის ციფრული კომერციის ძირითად ვებსაიტებზე, ხოლო შემდეგ გამყიდველების მიერ ადგილობრივად წარმოებული პროდუქციის გაყიდვა ციფრული კომერციის შერჩეულ ვებსაიტებზე, ვებსაიტების მხრიდან შემდგომი რეგისტრაციის, დოკუმენტაციის ან სხვა მოთხოვნების გარეშე.
  • გზა 3 – ელ-კომერციის საკონსულტაციო ცენტრი: ტრენინგი და ინდივიდუალური კონსულტაციები ელ-კომერციაში მცირე და საშუალო საწარმოების დასახმარებლად, იმისათვის, რომ მათ დაიწყონ გაყიდვები ციფრული კომერციის შერჩეულ ვებსაიტებზე
• ქსელური აქტივობა – აღმოსავლეთ პარტნიორობის ქვეყნების მონაწილე მხარეების ჩართვა კავშირების დამყარებაში ევროკავშირის პარტნიორებთან, და ინფორმაციის გავრცელებაში ელ-ვაჭრობაში არსებული ტენდენციების, საქმიანობის და მიმდინარე სიტუაციის შესახებ.